سینیٹ ،قومی اسمبلی کے آج ہونیوالے اجلاسوں کا ایجنڈا جاری
قومی اسمبلی کے 14نکاتی ایجنڈے میں 27ویں آئینی ترمیم شامل نہیں
اسلام آباد(اپنے رپورٹرسے ،نامہ نگار ،دنیا نیوز) سینیٹ اور قومی اسمبلی کے اجلاس آج ہونگے ،سینیٹ اور قومی اسمبلی سیکرٹریٹ نے اجلاسوں کا ایجنڈا جاری کردیا جس کے مطابق حکومت کی جانب سے نیب ترمیم 2023 واپس لینے کیلئے تحریک پیش کی جائے گی۔ قومی اسمبلی سیکرٹریٹ نے آج کے اجلاس کا 14نکاتی ایجنڈا جاری کردیا، 27ویں آئینی ترمیم قومی اسمبلی ایجنڈے میں بھی شامل نہیں ۔ سینیٹ سیکرٹریٹ کی جانب سے جاری ایجنڈے کے مطابق اجلاس میں فیڈرل پراسیکیوشن سروس ترمیمی بل 2025 کی منظوری، سی ڈی اے ترمیمی بل 2025 ، نیشنل سکول فار پبلک پالیسی ترمیمی بل پر قانون سازی کی جائے گی۔ ایجنڈے کے مطابق حکومت نے نیب ترمیمی بل 2023واپس لینے کا فیصلہ کیا ہے ۔وزیر قانون اعظم نذیرتارڑ نیب ترمیمی بل واپس لینے کی تحریک پیش کریں گے ، رولز 115 کے تحت سینیٹ میں پیش نیب ترمیمی بل واپس لیا جائیگا۔ سینیٹ اجلا س میں حکومت کی جانب سے ستائیسویں ترمیم بھی پیش کئے جانے کاامکان ہے ۔
