بجٹ میں مزدوروں کو ریلیف نہ ملنے پرشہری مایوس
حکومت نے آٹا ،چینی،دالیں سستی کرنے کیلئے کوئی اقدام نہیں اٹھایا،مزدور
فیصل آباد(سٹاف رپورٹر) مزدور طبقے کا منی بجٹ کا مطالبہ ، وفاقی بجٹ میں مزدور طبقہ اور غریب شہریوں کو کچھ نہیں دیا گیا ۔ تفصیل کے مطابق حکومت نے 2021-22 کا بجٹ پیش کردیا ، بجٹ میں غریب شہریوں اور خاص طور پر مہنگائی سے تنگ غریب مزدور کو ریلیف نہ ملنے پر شہریوں نے مایوسی کا اظہار کیا ہے ، مزدوروں کا کہنا ہے حکومت نے کم از کم اجرت 20 ہزار روپے مقررتو کی ہے لیکن سرمایہ کار ، ملز مالکان ، بھٹہ مالکان ، لومز مالکان ، دکان مالکان اس پر عملدرآمد نہیں کرتے جبکہ عام آدمی کو دو وقت کی روٹی کے لالے پڑے ہوئے ہیں اور حکومت نے آٹا ، چینی ، دالیں ، بجلی سستی کرنے کے لئے کوئی اقدام نہیں اٹھایا جس کی وجہ سے بجٹ میں انکے لئے کچھ خاص نہیں ہے ، مزدوروں کا کہنا ہے حکومت انکے لئے منی بجٹ لائے جس میں اشیائے خورونوش کی چیزیں کم کی جائیں ۔
