عالمی سکن ڈے کے موقع پر سول ہسپتال میں آگاہی ریلی
شہری الرجی سے بچاؤکے لئے فیس ماسک کا لازمی استعمال کریں :ڈاکٹرز
فیصل آباد(سٹاف رپورٹر) عالمی سکن ڈے کے موقع پر سول ہسپتال میں آگاہی ریلی نکالی گئی ، ڈاکٹرزکا کہنا تھا شہری الرجی سے بچاؤکے لئے فیس ماسک کا لازمی استعمال کریں ۔ الرجی سے بچاؤکے علامتی دن کے موقع پر فیصل آباد سول ہسپتال میں ڈاکٹر عارف مان ، ڈاکٹر خرم شہزاد ، ڈاکٹر تحیسن عالم ، ڈاکٹر عد حسین ، ڈاکٹر اسماساجد ، ڈاکٹر حسن رضا اور ڈاکٹر محمد حنیف کی سربراہی میں آگاہی ریلی نکالی گئی جس میں بڑی تعداد میں نرسز اور پیرامیڈکس بھی شامل تھے ، شرکاء نے ہاتھوں میں بینرز اور پلے کارڈز اٹھا رکھے تھے جن پر الرجی سے بچاؤ کی تدابیر تحریر کی گئی تھیں ، ڈاکٹرز کا کہنا تھا موسمیاتی آلودگی ، دھواں ، گردوغبار ، سورج کی دھوپ اور دیگر عوامل سے الرجی کے کیسز بڑھ رہے ہیں ،شہری فیس ماسک اور دیگر احتیاطی تدابیر استعمال کرکے خود کو الرجی سے محفوظ رکھ سکتے ہیں ۔
