نیوز الرٹ
  • بریکنگ :- دوطرفہ تعاون اورافغان صورتحال سمیت علاقائی امورپرتبادلہ خیال
  • بریکنگ :- افغانستان میں انسانی بحران تشویشناک ہے،شاہ محمودقریشی
  • بریکنگ :- عالمی برادری افغان عوام کی معاونت کیلئےسنجیدہ کوششیں کرے،وزیرخارجہ
  • بریکنگ :- برسلز:وزیرخارجہ شاہ محمودقریشی کی نیٹوکےسیکرٹری جنرل سے ملاقات
Coronavirus Updates

دھواں چھوڑنے والی گاڑیوں کیخلاف کاروائی

دھواں چھوڑنے والی گاڑیوں کیخلاف کاروائی

دنیا اخبار

سیکرٹری آرٹی اے نے قوانین پر عملدرآمد چیک کرنے کیلئے مختلف شاہرائوں کا دورہ کیا ، گاڑیوں کے مالکان وڈرائیور کو جرمانے بھی کئے

فیصل آباد (نامہ نگارخصوصی)سیکرٹری آرٹی اے محمد سرور نے دھواں چھوڑنے والی متعدد مسافرگاڑیوں کے چالان کردیئے ۔انہوں نے پبلک ٹرانسپورٹس میں قوانین پر عملدرآمد کو چیک کرنے کے لئے مختلف شاہرات کا دورہ کیا اور زیادہ دھواں دینے والی گاڑیوں کے مالکان وڈرائیور کو جرمانے بھی کئے ۔انہوں نے کہا کہ سموگ کی روک تھام کے لئے چیکنگ کا سلسلہ جاری ہے لہٰذا ٹرانسپورٹرز اپنی گاڑیوں کے انجنوں کی مرمت کرائیں تاکہ گاڑیاں دھواں نہ دیں۔انہوں نے مسافر گاڑیوں میں کورونا ایس اوپیز پر عملدرآمد کا بھی جائزہ لیا اوربسوں میں سوار مسافروں کی ویکسی نیشن ہونے کی بذریعہ موبائل فون میسج کے ذریعے تصدیق کی۔سیکرٹری آرٹی اے نے کہا خلاف ورزی کی مرتکب مسافر گاڑیوں کو بند اور ٹرانسپورٹرز کو بھاری جرمانے کئے جائیں۔انہوں نے کہا کوئی بس یا ویگن میں خلاف ورزی نہیں ہونی چاہیے ۔انہوں نے ٹرانسپورٹرز سے کہا وہ پابندی پرعملدرآمد کو یقینی بنائیں اورخلاف ورزی سے گریز کیا جائے ۔انہوں نے کہا شاہرات سمیت خارجی راستوں پر بھی کڑی چیکنگ جاری ہے اور کوروناایس اوپیز کی خلاف ورزی کرنے والوں سے سختی سے نمٹا جائیگا۔انہوں نے مسافر ٹرانسپورٹس میں کرایوں کی وصولی اور اوورلوڈنگ کا بھی جائزہ لیا اور زائد کرایہ و گنجائش سے زائد مسافر بیٹھانے سے باز رہنے کی تاکید کی۔

Advertisement
روزنامہ دنیا ایپ انسٹال کریں