کیچ اپ کمپین کا آخری روز،80ہزاربچے تاحال محروم
فیصل آباد(سٹاف رپورٹر) کیچ اپ کمپین کا آخری روز 80ہزار بچے تاحال قطروں سے محروم ۔
چیف ایگزیکٹو کی ہر صورت ٹارگٹ پورا کرنے کی ہدایت ۔ تفصیلات کے مطابق فیصل آباد میں 5 روزہ پولیو مہم آج ختم ہورہی ہے ، محکمہ صحت کی جانب سے انسداد پولیو ٹیموں کو 13لاکھ 69 ہزار بچوں کو قطرے پلانے کا ٹارگٹ دیا گیا تھا ، محکمہ صحت کے مطابق 4 روز میں 12 لاکھ 50 ہزار سے زائد بچوں کو پولیو کے قطرے پلا ئے جاچکے ہیں جبکہ رہ جانے والے بچوں کو بھی آج قطرے پلادئیے جائیں گے ، سی او محکمہ صحت نے انسداد پولیو ٹیموں کو آج ہر صورت 100 فیصد ٹارگٹ پورا کرنے کی ہدایت جاری کی ہے ۔