مکوآنہ:جامع مسجد نوراسلام میں محفل شب نور کا انعقاد
مکوآنہ(نمائندہ دنیا)جامع مسجد نوراسلام چک نمبر113گ ب جڑانوالہ روڈ میں چودھری نواب دین کی زوجہ محترمہ اور محمد اسلم علوی کی زوجہ محترمہ کے ایصال ثواب کیلئے محفل شب نور منعقد ہوئی۔۔۔
اس موقع پرمعروف نعت خواں غلام مصطفی قادری آف کراچی ،شیخ عبدالسلام نقشبندی، افتخار رضا قادری، حاجی شیرازمدنی،ناصرعلی مدنی ودیگرنے گلہائے عقیدت پیش کیا ،محفل کے منتظم اعلیٰ میں محمد شفقت علی علوی ،محمد حیدر علی علوی و دیگرتھے ۔شرکائے محفل سے خطاب میں پیر سرکار آستانہ عالیہ محمدیہ قادریہ قلندریہ راولپنڈی علامہ حبیب اللہ،مفتی جمال الدین بغدادی قادری نے کہا کہ انسانی زندگی کا بنیادی مقصد قربِ الٰہی کا حصول ہے اور یہی حقیقی کامیابی کا ضامن ہے مگر آج کے دور میں مادیت ہماری زندگیوں پر غالب آچکی ، ہم ہر شے کو مادیت کے پیمانے پر تولتے ہیں، جس کے باعث روحانی شعور ماند پڑ چکا ہے ۔ انہوں نے مزید کہا کہ مادیت پرستی نے ہماری زندگیوں سے عبادات، اخلاقیات اور شرم و حیا کی اہمیت کو ختم کردیا۔
