چنیوٹ:اینٹی ویمن ہراسمنٹ سیل کو 40 درخواستیں موصول
چنیوٹ(ڈسٹرکٹ رپورٹر )اینٹی ویمن ہراسمنٹ اینڈ وائلنس سیل چنیوٹ میں خواتین کے مسائل کو ترجیحی بنیادوں پر حل کیا جا رہا ہے ۔۔۔
نومبر میں اینٹی ویمن ہراسمنٹ اینڈ وائلنس سیل کو مختلف 40 سے زائد درخواستیں موصول ہوئیں، ان میں گھریلو تشدد اور لڑائی جھگڑے کی 20 ،ہراسگی کی 10، لین دین و دیگر معاملات کی 12 سے زائد درخواستیں شامل تھیں۔ اس حوالے سے انچارج اینٹی ویمن ہراسمنٹ اینڈ وائلنس سیل سب انسپکٹر لاریب شاہد نے گفتگو میں کہا ہے کہتمام درخواستوں پر خواتین کے مسائل کو حسب ضابطہ کارروائی کرتے ہوئے حل کیا گیا، اینٹی ویمن ہراسمنٹ اینڈ وائلنس سیل میں آگاہی مہم کے ساتھ خواتین کے تحفظ کو یقینی بنایا جا رہا ہے ، خواتین کسی بھی ایمرجنسی صورتحال میں ویمن سیفٹی ایپ، پنجاب پولیس پبلک ایپ، ایمرجنسی نمبروں سے مدد حاصل کرسکتی ہیں۔ خواتین پر گھریلو تشدد، ہراسانی، بدسلوکی کے واقعات کی روک تھام کیلئے پنجاب پولیس تمام ممکن اقدامات کر رہی ہے ۔
