ڈپٹی کمشنر چنیوٹ کادریائے چناب کا تفصیلی دورہ،اہم ہدایات جاری
چناب نگر(نامہ نگار )ڈپٹی کمشنر چنیوٹ صفی اﷲ گوندل نے دریائے چناب کا تفصیلی دورہ کیا ، سی او ایم سی زاہد فرید و دیگر بھی ہمراہ تھے ۔
ڈپٹی کمشنر دریائے چناب کے چاروں اطراف کناروں کے ساتھ جگہوں کو خوبصورت بنانے کے حوالے سے اہم ہدایات جاری کیں ، انہوں نے چناب پارک کا بھی تفصیلی وزٹ کیا اور پارک کی مزید بہتری و بحالی کیلئے فوری طور پر اقدامات کرنے ،سی او ایم سی کو موسم کی مناسبت سے مزید پھول دار پودے لگانے ، مزید لائٹس لگوانے ، واکنگ ٹریکس کی بہتری ، بچوں کے لیے جھولے ، معیاری کینٹین بارے ہدایات جاری کیں ، انہوں نے چاروں اطراف سے لوگوں کی جانب سے قائم تجاوزات فوری ختم کروانے کی ہدایات کیں ۔
روزنامہ دنیا ایپ انسٹال کریں
