پیر محل :کینولا کی پیداوار میں اضافہ کیلئے سیمینار کا انعقاد

پیر محل :کینولا کی پیداوار میں اضافہ کیلئے سیمینار کا انعقاد

پیرمحل ( نمائندہ دنیا )ٹیکنالوجی ٹرانسفر پروگرام برائے کینولا کی پیداوار میں اضافے کے سلسلہ میں سیمینار کا انعقاد کیا گیا ۔

تفصیلات کے مطابق چک نمبر 313 گ ب میں چوہدری محمد ارشد اظہر کے کینولا نمائشی پلاٹ پر ٹیکنالوجی ٹرانسفر پروگرام کا انعقاد کیا گیا جس میں اسسٹنٹ ڈائریکٹر زراعت (توسیع )تحصیل پیرمحل محمد شکیل ارشد اور دیگر زرعی ماہرین اور کاشتکاروں نے شرکت کی ، پروگرام کے مہمان خصوصی سیاسی رہنما چودھری انور ریاض تھے ۔ پروگرام کا باقاعدہ آغاز تلاوت کلام پاک سے کیا گیاجبکہ اس موقع پر اسسٹنٹ ڈائریکٹر زراعت (توسیع )پیرمحل نے شرکاء کو بتایا کہ اس وقت پیداوار بڑھانے کے حوالے سے وزیر اعلیٰ پنجاب کی طرف سے یہ تین سالہ منصوبہ تیار کیا گیا ہے جس میں کاشت کاروں کو کینولا کی زیادہ پیداوار حاصل کرنے کے لیے بہتر رہنمائی دی جائے گی،بہتر پیداوار لینے کے لیے متوازن کھادوں کا استعمال انتہائی اہم ہے ، کاشتکاروں نے حکومتی اقدام کو سراہا۔

 

روزنامہ دنیا ایپ انسٹال کریں