چنیوٹ :جرائم پیشہ عناصر کیخلاف کریک ڈاؤن ،1ملزم گرفتار
چنیوٹ(ڈسٹرکٹ رپورٹر )وزیر اعلیٰ پنجاب محترمہ مریم نواز شریف کے وژن \'\'کرائم فری پنجاب \'\'کے تحت ضلع بھر میں جرائم پیشہ عناصر کیخلاف کریک ڈاؤن جاری ہے ۔
تفصیلات کے مطابق ڈی ایس پی آرگنائزڈ کرائم یونٹ محمود الحسن کی زیرنگرانی پولیس کی جرائم پیشہ عناصر کیخلاف کارروائیاں جاری ہیں، اسسٹنٹ سب انسپکٹر محمد عرفان نے ٹیم کے ہمراہ کارروائی کرتے ہوئے موٹرسائیکل چور کو گرفتار کر لیا،گرفتارملزم کے قبضہ سے 5مسروقہ موٹرسائیکل برآمد کرلئے گئے ،ملزم کے قبضہ سے وارداتوں میں استعمال ہونے والا ناجائز اسلحہ بھی برآمد کرلیاگیا، گرفتار ملزمان سابقہ ریکارڈ یافتہ ہے اور پولیس کومتعدد مقدمات میں مطلوب تھا ۔ گرفتار ملزم سے مزید تفتیش کا عمل جاری ہے ۔ اس حوالے سے ڈسٹرکٹ پولیس آفیسر عبداﷲاحمد کا کہناتھا کہ شہریوں کی جان و مال کی حفاظت یقینی بنانے کیلئے عملی اقدامات جاری ہیں۔ہیومن ریسورس،جدید ٹیکنالوجی کا استعمال کرتے ہوئے مختلف جرائم میں ملوث ملزمان کو گرفتار کیا جارہاہے ، آپ کے علاقہ میں جرائم پیشہ عناصر کی موجودگی کی صورت میں قریبی پولیس سٹیشن یا 15پر اطلاع دیں۔
