پولیس لائن چنیوٹ میں انسداد دہشتگردی فرضی مشقوں کا انعقاد

چنیوٹ(ڈسٹرکٹ رپورٹر )کسی بھی ناخوشگوار واقعہ سے نمٹنے کیلئے پولیس کے زیر اہتمام پولیس لائن چنیوٹ میں انسداد دہشتگردی فرضی مشقوں کا انعقاد کیا گیا۔
موک ایکسرسائز میں ڈی ایس پی ہیڈ کوارٹر مہدی حسن ، تھانہ سٹی پولیس ، فالکن سکواڈ، ایلیٹ فورس، ریسکیو 1122، بم ڈسپوزل سکواڈ، سپیشل برانچ و دیگر اداروں نے شرکت کی ۔ فرضی مشق کے دوران پولیس لائن پر دہشت گردوں کے حملے کی فرضی مشقیں کی گئیں۔ اس حوالے سے ڈسٹرکٹ پولیس آفیسر عبداﷲاحمد کا کہنا تھا کہ کسی بھی ہنگامی صورتحال سے نمٹنے کیلئے موک ایکسرسائز کا اہتمام کیا گیا ،اس دوران مختلف اداروں کی کارکردگی چیک کی گئی ۔ فرضی مشق کروانے کا مقصد دہشگردوں کو پیغام دینا ہے کہ کہ پولیس مقابلہ کے لیے ہمہ وقت تیار ہے ۔،تمام ذرائع بروئے کار لاکر شہر میں امن امان کے قیام کو یقینی بنایا جائے گا ۔