لائیو سٹاک ڈسکہ کے حکام کی غفلت نے بکری کی جان لے لی
محکمہ لائیو سٹاک ڈسکہ کی نااہلی کے با عث بروقت علاج نہ ہونے سے شہر ی کی بکری ہلاک ہو گئی
منڈیکی گورائیہ (نامہ نگار )ڈسکہ کلاں کے صفدر بٹ نے گھرمیں بکری رکھی ہوئی تھی ،گزشتہ را ت بیمار ہو نے پر علاج کیلئے محکمہ لائیو سٹاک ڈسکہ کے ڈاکٹر سجاد چیمہ اور اصغر کو ٹیلی فون کیا مگر کوئی نہ پہنچ سکا ۔ اس حوالے سے رابطہ کرنے پر محکمہ لائیو سٹاک کے ڈپٹی ڈائریکٹر نے بتایاکہ واقعہ کی انکوائری ہوگی جو ذمہ دار پایاگیا اس کیخلاف کارروائی عمل میں لائی جائیگی ۔