کامونکے :لڑائی جھگڑوں میں خواتین سمیت 9 افراد پر تشدد
کامونکے (نامہ نگار ) لڑائی جھگڑے کے واقعات میں خواتین سمیت 9افراد کو زبردست تشدد کا نشانہ بناڈالا گیا۔
بچوں کی لڑائی کے تنازع میں حویلی میں داخل ہوکر کوٹلی گجراں کے سکندر رحمن کی اہلیہ کو ابراہیم گجر نے تشدد کا نشانہ بنایا۔سابق رنجش پر الہ آباد میں حویلی مویشیاں میں داخل ہوکر انور اُسکی بہن سکینہ اور بھائی ارشد کو نوید،تنویر اور امجد نے کلہاڑیوں کے وار کرکے شدید زخمی کردیا۔معمولی تلخ کلامی پر قہر والی کی شہناز کو اُسکے ہمسایہ شفیق نے تشدد کا نشانہ بنایا۔ گھنیا کی شمیم کو گاؤں کے احمد اور دو نامعلوم افراد نے تشدد کانشانہ بنایا۔ حویلی میں داخل ہوکر ڈیر حاکم سنگھ کے نعمان اُسکے والد عاشق والدہ ارشد بی بی کو شمشاد،سرور،استخار اور اقبال وغیرہ نے تشدد کرکے زخمی کردیا ۔
روزنامہ دنیا ایپ انسٹال کریں
