کھیلتا پنجاب ،گوجرانوالہ کی ٹیموں کی باسکٹ بال میں فتح
گوجرانوالہ(نیوز رپورٹر) کھیلتا پنجاب گیمز کے انٹر ڈسٹرکٹ مقابلے ،گوجرانوالہ کی گرلز اور بوائز کی ٹیموں نے باسکٹ بال اور ۔
چونڈہ سیالکوٹ کی گرلز ٹیم ٹیبل ٹینس کا فائنل جیت کر میدان مارلیا، آج فٹ بال اور کبڈی کے میچز ہوں گے ، گزشتہ روز سٹی سپورٹس کمپلیکس گوجرانوالہ میں انٹر ڈسٹرکٹ باسکٹ بال گرلز اور بوائز کی ٹیموں کے درمیان میچز کھیلے گئے ، باسکٹ بال بوائز کا فائنل گوجرانوالہ نے نارووال کو شکست دے کر جیت لیا، اسی طرح باسکٹ بال گرلز کا فائنل بھی گوجرانوالہ نے جیت کر میدان مارلیا، لڑکیوں کے ٹیبل ٹینس کے فائنل چونڈہ سیالکوٹ نے جیت لیا۔مقابلے دیکھنے کیلئے شائقین کی بڑی تعداد موجود تھی۔ مقابلوں کے مہمان خصوصی کمشنر گوجرانوالہ سید نوید حیدر شیرازی، ڈپٹی کمشنر نوید احمد، اسسٹنٹ کمشنر صدر ڈاکٹر حلیمہ منیر، ایم این اے شازیہ فرید اور ایم پی اے عمر فاروق ڈار تھے ۔ جنہوں نے کھلاڑیوں کی بھرپور حوصلہ افزائی کرتے ہوئے کھلاڑیوں کی کارگردگی کو خوب سراہا۔
