ڈسکہ کے شہباز شریف پارک میں سہولیات کافقدان
منڈیکی گورائیہ(نامہ نگار )ڈسکہ شہرمیں شہباز شریف پارک میں سہولیات کافقدان صفائی ستھرائی نہ ہونے کی وجہ سے لمبی لمبی گھاس اور جڑی بوٹیاں اگ گئیں، مویشیوں نے بھی پارک کا رخ کرلیا ۔۔۔
بچوں کیلئے لگائے گئے جھولے بھی ٹوٹ پھوٹ کاشکار ہیں جن کی مرمت نہ ہونے کی وجہ سے وہ زنگ آلودہ ہوکرخراب ہورہے ہیں ڈسکہ کے شہریوں کیلئے بنائی گئی اکلوتی شہبازشریف پارک نومنتخب ممبران قومی و صوبائی اسمبلی اور انتظامیہ کی توجہ کی منتظر ہے شہبازشریف پارک میں آئے ہوئے شہریوں نے بتایاکہ پارک کی ابترصورتحال کے متعلق متعددبار انتظامیہ کو شکایات کرچکے ہیں مگر کوئی شنوائی نہیں ہورہی شرو ع میں جب پارک بنی تھی تو یہاں پرروزانہ سینکڑوں شہری آتے تھے اب یہ صورتحال ہے کہ پارک میں صفائی ستھرائی اور سہولیات نہ ہونے کی وجہ سے شہریوں نے آنا چھوڑ دیا ہے ۔شہریوں نے وزیراعلیٰ پنجاب مریم نواز سے نوٹس لینے کامطالبہ کیاہے ۔
