اپنی چھت اپنا گھر تاریخی فلاحی منصوبہ:ڈی سی حافظ آباد

حافظ آباد(نمائندہ دُنیا،نامہ نگار)ڈپٹی کمشنر حافظ آباد عبدالرزاق نے کہا ہے کہ اپنی چھت اپنا گھر پروگرام وزیراعلیٰ مریم نواز کا۔
ایک تاریخی عوامی فلاحی منصوبہ ہے جس کے تحت میرٹ اور شفاف طریقہ کار کے ذریعے بذریعہ قرعہ اندازی شہریوں کو اپنا گھر تعمیر کرنے کے لیے بلا سود قرضے دئیے گئے اور اب شہری اپنی چھت اپنا گھر پروگرام کی عملی تکمیل کے ساتھ اپنے نئے گھروں میں رہنے کا خواب پورا کر رہے ہیں۔ انہوں نے ان خیالات کا اظہار اپنی چھت اپنا گھر پروگرام کے تحت تعمیر ہونے والے گھروں کے دورہ کے موقع پر کیا۔ ایڈیشنل ڈپٹی کمشنر ریونیو تنویر یاسین بھی ان کے ہمراہ تھے ۔ ڈپٹی کمشنر نے حکومت پنجا ب کے اس تاریخی عوامی فلاحی منصوبے کے تحت تعمیر ہونے والے گھروں کی تکمیل اور تعمیراتی معیار کا جائزہ لیا۔اپنی چھت اپنا گھر پروگرام کے تحت گھر تعمیر کرنے والے خوش نصیب افراد کا کہنا تھا کہ آج کے مشکل دور میں اپنا گھر تعمیر کرنا ایک خواب تھا،جیسے وزیراعلیٰ پنجاب مریم نواز نے پورا کر دیا۔ وزیراعلیٰ پنجاب مریم نواز اور حکومت پنجاب کے شکر گزار ہیں جن کی بدولت ہمارے گھروں کی تعمیر مکمل ہوئی۔