بغیر نمبر گاڑیاں بند ، ٹوکن ٹیکس ڈیفالٹرز کیخلاف کارروائی

گوجرانوالہ(نیوز رپورٹر)ایکسائز اینڈ ٹیکسیشن کا بغیر نمبر گاڑیوں اور ٹوکن ٹیکس ڈیفالٹرز کیخلاف جنرل ہولڈ اپ، ضلع بھر میں مختلف مقامات پر ناکہ بندی کر کے 300 گاڑیوں کے چالان کئے گئے۔۔۔
موقع پر 10لاکھ روپے کی ریکوری بھی کی گئی ۔ڈائریکٹر ایکسائز اینڈ ٹیکسیشن ثوبیہ مالک کی ہدایت پر ٹوکن ٹیکس ڈیفالٹر ز اور نئی گاڑیوں کی رجسٹریشن نہ کرانے والوں کیخلاف ضلع بھر میں جنرل ہولڈ اپ کیا گیا۔ ایکسائز کے افسر و اہلکار ایکسائز پولیس کی وردیوں میں ملبوس ہو کر جنرل بس سٹینڈ،اروپ موڑ،علی پورچٹھہ بائی پاس،جناح چوک،جی ٹی روڈ چند دا قلعہ،عالم چوک،کوٹ لدھا،قلعہ دیدار سنگھ،کامونکے ،نوشہرہ ورکاں سمیت مختلف مقامات پر ناکہ بندی کی ۔ جنرل ہولڈ اپ کے دوران1500 گاڑیوں کی چیکنگ کی گئی جن میں 300گاڑیوں کے چالان کئے گئے ،موقع پر ای پے منٹ کے ذریعے 10 لاکھ ٹوکن ٹیکس جمع کیا گیا جبکہ رجسٹریشن نہ کرانے پر40گاڑیوں کو بند کر دیا ۔ڈائر یکٹر ایکسائز اینڈ ٹیکسیشن کاکہنا ہے کہ نئی گاڑیوں کی رجسٹریشن نہ کرانے والوں کو کوئی رعایت نہیں دی جائے گی ۔