8موٹر سائیکل، 2رکشے، 2گاڑیاں، نقدی چوری
سلیمان کے گھر سے زیور، 2لاکھ روپے اور اشیا چوری کرلی گئیں
راولپنڈی ( خبر نگار) شہریو ں کو 8موٹر سائیکلوں، دو رکشوں ، دو گاڑیوں ، لاکھوں کی ملکی وغیرملکی کرنسی ، زیورات اوردیگر اشیاسے محروم کر دیا گیا۔ پیرودہائی سے نعیم ،نیوٹائون سے حسام،صادق آباد سے محسن ، نصیر آباد سے سردار رضا،ریس کورس سے حمزہ ، ایئر پورٹ سے صدیق، صدر بیرونی سے محمد علی ،عثمان کے موٹرسائیکل ، وارث خان سے عرفان اور صادق آباد سے شہزادکے رکشے ، پیرودہائی سے اعظم کی پک اپ چور لے اڑے ۔ ویسٹریج میں خورشید سے موٹرسائیکل اور نقدی چھین لی گئی۔ نیوٹائون میں حفیظ کو جعلی فرد دکھا کر شریف نے چالیس لاکھ ہتھیالیے ۔صادق آباد میں حسین سے موبائل چھین لیاگیا۔کینٹ میں کیپٹن جلیل سے دھوکہ دہی کرتے ہوئے 24سو ڈالر ہتھیالیے گئے ۔ سول لائن میں سلیمان کے گھر سے زیور،دو لاکھ روپے اور اشیاچوری کرلی گئیں۔ سول لائن میں اسد نے نورکی گاڑی دھوکہ دہی سے ہتھیالی۔ مقدمات درج کرلیے گئے ۔
