چین کی طرح سوات میں بھی آڑو فروغ پاسکتا ہے
مقامی سیاحت اور معیاری سڑکوں کو فروغ دینا ہوگا ،گوادر پرو کی رپورٹ
اسلام آباد(دنیا رپورٹ ) چین کی طرح سوات میں بھی سیاحت اور معیاری سڑکوں سے آڑو کی صنعت کو فروغ د یا جا سکتا ہے ، گوادر پرو کے مطابق مقامی سیاحت کے ساتھ آ ڑوکی صنعت کو جوڑنے کے لئے سوات کو چین کے سنکیانگ میں واقع ایک چھوٹے سے گائو ں سے کچھ حوصلہ افزائی مل سکتی ہے ، جہاں آ ڑو کے پھولوں کا میلہ لگا تھا اور اس نے بہت سارے سیاحوں کو راغب کیا ، سنکیانگ کے لائیکا ٹاؤن شپ کے ایک دیہاتی عزیزی سدورا نے بتایا کہ سیاح جو آڑو کے پھول دیکھنے آئے تھے ، جب وہ آ ڑو پک جاتے ہیں تو ان سیا حوں میں سے بیشتر آڑو خریدنے آ تے ہیں ، سوات میں آڑو باغ کے مالک ناصر خان نے گوادر پرو کو بتایا کہ سوات کا آڑویہاں سب سے مشہور ہے ، اس کا ذائقہ بہت اچھا ہے ،آڑو کی میعاد ختم ہونے کی تاریخ مختصر ہے لہٰذا نقل و حمل کی استعداد کار بہت ضروری ہے ، یہاں سوات موٹر وے بننے سے پہلے پنڈی تک پہنچنے میں 5 سے 6 گھنٹے لگتے تھے ، اب یہ گاڑی 3.5 سے 4 گھنٹے میں پہنچ سکتی ہے ۔
