نیوز الرٹ
  • بریکنگ :- مسلم لیگ ن کےصدرشہبازشریف کراچی پہنچ گئے
  • بریکنگ :- احسن اقبال،سعدرفیق،مریم اورنگزیب،عطاتارڑبھی ہمراہ
  • بریکنگ :- شہبازشریف اخترمینگل سےان کےوالدکی وفات پرتعزیت کریں گے
  • بریکنگ :- شہبازشریف پارٹی اجلاس کی بھی صدارت کریں گے
Coronavirus Updates

ای الیون میں ماں کی بچے کی ہلاکت پر ایف آئی آر درج ہوگی,علی نواز اعوان

ای الیون میں ماں کی بچے کی ہلاکت پر ایف آئی آر درج ہوگی,علی نواز اعوان

دنیا اخبار

واقعہ کی مکمل تحقیقات ہونگی، غیر قانونی قبضے ختم کروا کر نالوں کو ان کی اصل حالت میں بحال کیا جائے گا ،معاون خصوصی پی ٹی آئی رہنما کا ای الیون کا دورہ ، ماں اور بچے کے گھر جا کر لواحقین سے تعزیت ، قبضہ مافیا کے خلاف بھرپور کارروائی کا عزم

اسلام آباد (اپنے رپورٹرسے )وزیراعظم کے معاون خصوصی برائے امور سی ڈی اے علی نواز اعوان نے کہا ہے کہ اسلام آباد کے سیکٹر ای الیون میں ماں اور بچے کی ہلاکت پر ذمہ داران کے خلاف 302 کی ایف آئی آر درج ہوگی، واقعہ کی مکمل تحقیقات کروائی جائیں گی اور غیر قانونی قبضے ختم کروا کر نالوں کو ان کی اصل حالت میں بحال کیا جائے گا ، ان خیالات کا اظہار انہوں نے سیکٹر ای الیون کے دورے کے دوران کیا، اس موقع پر ضلعی انتظامیہ کے حکام بھی ان کے ہمراہ تھے ، انہوں نے اس افسوسناک واقعہ میں جاں بحق ہونے والے ماں اور بچے کے گھر جا کر لواحقین سے تعزیت بھی کی اور انہیں یقین دلایا کہ بارش کے باعث نالوں کا پانی روکنے کے ذمہ داروں کا تعین کیا جائے گا اور جس بھی محکمے یا ہاؤسنگ سوسائٹی کے افراد اس کے ذمہ دار ہوئے ان کے خلاف قتل کی ایف آئی آر حکومت درج کروائے گی، انہوں نے کہا کہ ہم اس افسوسناک واقعہ کو ہونے سے نہیں روک سکے تاہم ہماری کوشش ہوگی کہ آئندہ ایسے واقعات نہ ہوں، علی نواز اعوان نے کہا کہ ہم ای الیون کے تمام نالے ان کی اصل حالت میں بحال کریں گے اور ناجائز قبضہ مافیا کے خلاف بھرپور کارروائی کی جائے گی۔

Advertisement
روزنامہ دنیا ایپ انسٹال کریں