مختلف علاقوں سے 3گاڑیاں اور 3موٹر سائیکل چوری
شہریوں سے ایک لاکھ روپے مالیت کی نقدی اور موبائل فون چھین لئے گئے
اسلام آباد (خبرنگار) مختلف علاقوں سے 3گاڑیاں اور 3موٹر سائیکل چوری جبکہ شہریوں سے ایک لاکھ روپے مالیت کی نقدی اور موبائل فون چھین لئے گئے ،تھانہ کراچی کمپنی کی حدود سے اشرف اور شرف المرتضیٰ،مارگلہ سے مامون کی گاڑیاں چوری کر لی گئیں، تھانہ سیکرٹریٹ سے سید رحمان،مارگلہ سے جلیل اختر اورتھانہ کراچی کمپنی کی حدود سے تنصیر حیدرکے موٹر سائیکل چوری کر لئے گئے ،ادھر رمنا پولیس کو تحسین اللہ نے بتایا کہ نامعلوم ملزم نے اس سے کشمیر ہائی وے پر موبائل فون مالیتی 25ہزار روپے چھین لیا، بنی گالہ پولیس کو عاطر آزاد نے بتایا کہ تین نامعلوم ملزمان نے موبائل فون اور نقدی مالیتی 45ہزار روپے چھین لی، شالیمار پولیس کو آصف نے بتایا کہ اس سے موبائل فون چھین لیا، پولیس نے مقدمات درج کر لئے ۔
روزنامہ دنیا ایپ انسٹال کریں
