کامن یونٹ پروگرام کی اہم اسامیوں کیلئے ڈاکٹرزکی تعیناتی کافیصلہ
اسلام آباد(ایس ایم زمان)وزارت قومی صحت نے کامن مینجمنٹ یونٹ پروگرام برائے انسداد ایڈز، ملیریاو ٹی بی کے نیشنل کوآرڈینٹر و ڈپٹی کوآرڈینٹر کی اسامیوں پرڈاکٹرز کی تعیناتیوں کافیصلہ کیاہے ۔
وزارت قومی صحت نے چار ماہ سے کامن یونٹ پروگرام برائے انسداد ایڈز ، ٹی بی او رملیریا کے نیشنل کوآرڈینٹر کاچارج گریڈ20 کے سیکرٹریٹ سروس کے افسر و جوائنٹ سیکرٹری بشیر کھیتران کو دیا ہواہے جو ڈاکٹر نہیں ہیں۔ وزارت قومی صحت نے ڈاکٹر زاور پبلک ہیلتھ ڈپلومہ کے حامل افسران کے انٹرویو کرنے کا فیصلہ کیاہے ۔ پہلے مرحلے میں وفاقی دارالحکومت کے ہسپتالوں کے متعلقہ قابلیت وتعلیم کے حامل ڈاکٹر ز کو ڈپٹی کوآرڈنیٹر کی اسامی پرتقرری کیلئے بلایا ہے ۔ آئندہ ماہ نیشنل کوآرڈینٹر کامن یونٹ پروگرام گریڈ20 کی اسامی پر تقرری کیلئے انٹرویوز کئے جائینگے ۔