ورچوئل یونیورسٹی طالبعلم نے اتھلیٹکس چیمپئن شپ میں کانسی کا تمغہ جیت لیا
اسلام آباد (خصوصی رپورٹر) ورچوئل یونیورسٹی نے 46ویں ایچ ای سی اتھلیٹکس چیمپئن شپ اور پی ایم سپورٹس اولمپیاڈ میں مردوں کی 200میٹر سپرنٹ میں تیسری پوزیشن حاصل کی۔۔۔
کراچی کے بی ایس سی ایس کے طالب علم اسد جبار نے کانسی کا تمغہ حاصل کیا۔ ریکٹر ورچوئل یونیورسٹی پروفیسر ڈاکٹر ارشد سلیم نے اسد جبار کیلئے ایک لاکھ روپے انعامی رقم کا اعلان کیا، انہوں نے کہا یہ ورچوئل یونیورسٹی کی تاریخ میں کھیلوں کی سب سے بڑی کامیابی ہے۔ اس سے قبل کرکٹ ٹیم نے ایچ ای سی کی مینز چیمپئن شپ میں پہلی بار سیمی فائنل میں پہنچنے کا اعزاز حاصل کیا تھا۔
روزنامہ دنیا ایپ انسٹال کریں
