قومیں نوجوانوں میں آگے بڑھنے کی لگن سے ترقی کرتی:رانا مشہود
اسلام آباد (خصوصی رپورٹر) وزیراعظم کامیاب جوان پروگرام کے چیئرمین رانا مشہود احمد خان نے کہا ترقی ان اقوام کا مقدر بنتی ہے جہاں نوجوانوں میں آگے بڑھنے کی لگن ہوتی ہے۔
علامہ اقبال اوپن یونیورسٹی سے چلنے والا بچوں کی کردار سازی کا مربوط اور پر عزم کارواں پورے پاکستان کی آواز بنے گا۔ ان خیالات کا اظہار انہوں نے علامہ اقبال اوپن یونیورسٹی میں ’آرٹ آف پیرنٹنگ‘ ورکشاپ کی اختتامی تقریب سے بطور مہمان خصوصی خطاب کرتے ہوئے کیا۔ وزارت منصوبہ بندی کی پارلیمانی سیکرٹری وجیہہ اکرم نے کہا ترقی دولت سے نہیں بچوں کو اچھا شہری بنانے سے ملتی ہے۔ تقریب میں علامہ اقبال اوپن یونیورسٹی اور نیکٹا کے مابین فروغ امن کیلئے مشترکہ کوششوں کے معاہدے پر دستخط بھی کیے گئے۔
روزنامہ دنیا ایپ انسٹال کریں
