سی ڈی اے حج قرعہ اندازی، 60ملازمین کے ناموں کا اعلان
اسلام آباد (خصوصی رپورٹر) سی ڈی اے ملازمین کیلئے حج کیلئے قرعہ اندازی کی تقریب چیئرمین آفس میں ہوئی جس میں چیف کمشنر و چیئرمین سی ڈی اے محمد علی رندھاوا، انسپکٹر جنرل آف پولیس سید علی ناصر رضوی۔۔۔
مزدور یونین کے جنرل سیکرٹری چودھری یاسین، صدر اورنگزیب خان، سپریم ہیڈ صوفی محمود علی نے بھی شرکت کی، سی ڈی اے کے سکیل 1سے 17تک (نان گزیٹڈ) ملازمین کیلئے قرعہ اندازی کی گئی جس کے مطابق 54مرد اور 6خواتین (مع محرم) حج کی سعادت حاصل کریں گے۔ چیئرمین سی ڈی اے محمد علی رندھاوا نے قرعہ اندازی میں کامیاب تمام ملازمین کو مبارکباد پیش کی اورکہا جن خوش نصیبوں کے نام قرعہ اندازی میں آئے وہ بلاشبہ اللہ کے مہمان اور پسندیدہ لوگ ہیں، وہ اپنی بخشش کیلئے دعا کریں وہیں ملک اورادارے کی تعمیر و ترقی کیلئے بھی دعا کریں۔ انہوں نے حج کیلئے ملازمین کی تعداد پچاس سے بڑھا کر ساٹھ کرنے کا اعلان کیا۔
