اسلام آباد کا کوئی علاقہ کیمرے سے پوشیدہ نہ ہو:آئی جی

اسلام آباد (خصوصی رپورٹر) انسپکٹر جنرل آف پولیس اسلام آباد سید علی ناصر رضوی نے سیف سٹی اسلام آباد کادورہ کیا ۔۔
اور مختلف شعبہ جات کی کارکردگی کا جائزہ لیا،انہوں نے ڈائریکٹر ٹیکنیکل سیف سٹی سے سرویلنس کیمروں،کمانڈ اینڈ کنٹرول سنٹر اور دیگر شعبہ جات کی کارکردگی کی بابت استفسار کیا اور انہیں سیف سٹی اسلام آباد کی کارکردگی مزید بہتر بنانے کے احکامات جاری کیے، آئی جی سید علی ناصر نے کہا ہم سیف سٹی اسلام آباد کو پاکستان کا بہترین سیف سٹی ماڈل بنائیں گے ، وفاقی دارالحکومت میں سرویلنس کیمروں کی تعداد میں اضافہ کیا جا رہا ہے ، اسلام آباد میں کوئی علاقہ کیمرے کی آنکھ سے پوشیدہ نہ ہو،سیف سٹی سافٹ ویئرز کی ڈویلپمنٹ اور انہیں اپڈیٹ کرنے کیلئے ٹیمزبنا ئی گئی ہیں جو نئے سافٹ ویئر بنانے کے ساتھ موجودہ سافٹ ویئرز اپڈیٹ کر رہی ہیں۔ آئی جی اسلام آباد نے آپریشنز ڈویژنز اور سیف سٹی افسران کے ساتھ میٹنگ کی اور جرائم پیشہ گروہوں و منشیات فروشوں کے خلاف کارروائیاں مزید تیز کرنے کے احکامات جاری کئے ۔