سرینا انٹرچینج سہروردی روڈ انڈر پاس ٹریفک کیلئے کھول دیا گیا

اسلام آباد (وقائع نگار)وفاقی وزیرداخلہ محسن نقوی کی ہدایت پر سرینا انٹرچینج پراجیکٹ کا ایک اہم سنگ میل عبور، سرینا انٹرچینج انڈر پاس اور رابطہ و سلپ سڑکوں کا کام مکمل کر لیا گیا۔
سہروردی روڈ انڈر پاس ٹریفک کے لئے کھول دیا گیا۔ سری نگر ہائی وے پر زیر تعمیر دو انڈر پاسز کا سٹرکچرل ورک بھی مکمل کر لیا گیا ہے ۔ چیئرمین سی ڈی اے محمد علی رندھاوا نے سرینا انڈر پاس کا دورہ کیا اور کہا سہروردی روڈ پر واقع انڈر پاس ٹریفک کیلئے کھول دیا گیا ہے ۔ منصوبے کے باقی حصوں پر بھی تیزی سے جاری ہے ۔ محمد علی رندھاوا نے تعمیراتی کاموں پر اطمینان کا اظہار کیا ہے ۔ انہوںنے کہا سرینا انٹرچینج انڈر پاس کی تکمیل ایک اہم سنگ میل ہے ۔ دیدہ زیب لینڈ سکیپنگ اور ہارٹیکلچر کا کام بھی تیزی سے جاری ہے ۔ انڈر پاس کی تکمیل سے ٹریفک کا دیرینہ مسئلہ حل ہو گا۔