مستحق افراد کی زندگیوں میں آسانی پیدا کرنا ہمارا مقصد ، روبینہ خالد

اسلام آباد (سٹاف رپورٹر)چیئرپرسن بی آ ئی ایس پی سینیٹر روبینہ خالد نے بی آئی آیس ہیڈ کوارٹرز میں ڈائنامک رجسٹری ڈیٹا شیئرنگ پروٹوکول پر ایک اہم اجلاس کی صدارت کی۔
اجلاس میں این ایس ای آر اور ٹیکنالوجی ونگ کے افسران نے شرکت کی۔اجلاس میں ڈی جی این ایس ای آر ڈاکٹر عاصم اعجاز نے ڈیٹا شیئرنگ پالیسی پر تفصیلی بریفنگ دی جس میں بتایا گیا کہ بی آئی ایس پی اب تک 255 پبلک اور پرائیویٹ اداروں کیساتھ مستحق افراد کا ڈیٹا شیئر کرچکا ہے ۔ روبینہ خالد نے کہا کہ ہمارا مقصد مستحق افراد کی زندگیوں میں آسانی پیدا کرنا اور مثبت تبدیلی لانا ہے ۔ ڈیٹا شیئرنگ پالیسی کی بدولت غریب اور ضرورت مند افراد کی فلاح و بہبود کیلئے مختلف اقدامات اٹھا ئے جا سکیں گے ۔