نیوز الرٹ
  • بریکنگ :- نیوزی لینڈ کی ٹیم کوسکیورٹی دینا ہمارافرض تھا،شیخ رشید
  • بریکنگ :- چہلم شہدائےکربلاکےدوران موبائل فون سروس بندرہےگی،شیخ رشید
  • بریکنگ :- چہلم شہدائے کربلا پرفوج ،رینجرزتعینات ہوگی،شیخ رشید
  • بریکنگ :- اپوزیشن نیوزی لینڈ ٹیم کامعاملہ ہم پرڈال رہی ہے،شیخ رشید
  • بریکنگ :- اپوزیشن شیشے کےگھرمیں بیٹھ کرحکومت پرپتھرنہ مارے،شیخ رشید
  • بریکنگ :- پتانہیں آخری وقت نیوزی لینڈ نےکیافیصلہ کیا،شیخ رشید
  • بریکنگ :- ایک دن آئے گایہ سب یہاں کھیلنے آئیں گے،شیخ رشید
  • بریکنگ :- ایک ماہ سےبھارت میں منفی پرو پیگنڈا چل رہاہے،شیخ رشید
  • بریکنگ :- اتنی نیوزی لینڈ میں فورسزنہیں ہوں گی جتنی یہاں سکیورٹی دی گئی ،شیخ رشید
Coronavirus Updates

منشیات فروشوں کے خلاف ہر سطح پر کریک ڈاؤن کی ہدایت

منشیات فروشوں کے خلاف ہر سطح پر کریک ڈاؤن کی ہدایت

دنیا اخبار

فیلڈاسٹاف منشیات کی فروخت کے گھناؤ نے جرم میں ملوث بدنام افراد کی سرگرمیوں پر نظر رکھے ،مکیش چاؤلہ،معیاری آپریٹنگ طریقہ کار کے مطابق کمپیوٹر سسٹم میں تمام ادا شدہ چالان کو فوری اپ ڈیٹ کیا جائے ،وزیر ایکسائز

کراچی (اسٹاف رپورٹر)سندھ کے وزیر برائے ایکسائز اینڈ ٹیکسیشن و محکمہ انسداد منشیات مکیش کمار چاؤ لہ نے فیلڈ اسٹاف کو ہدایت کی ہے کہ وہ منشیات کی فروخت کے گھناؤ نے جرم میں ملوث بدنام افراد کی سرگرمیوں پر نظر رکھے اور اس طرح کے مجرموں کے خلاف ہر سطح پر کریک ڈاؤ ن کیا جائے ۔ یہ بات انہوں نے اپنے دفتر میں ایک اجلاس کی صدارت کرتے ہوئے کہی۔ سیکرٹری ایکسائز اینڈ ٹیکسیشن و انسداد منشیات راجہ خرم شہزاد عمر ، ڈائریکٹر جنرلز منیر احمد زرداری ، حاجی سلیم بھٹو اور دیگر افسران نے بھی اجلاس میں شرکت کی۔صوبائی وزیر مکیش کمار چاؤ لہ نے افسران کو مزید ہدایت کی کہ وہ مالی سال 2021-22 کے لئے مقرر کردہ ٹیکس اہداف کے حصول کے لئے ہر ممکن کوششیں کریں اور پراپرٹی ٹیکس ، پیشہ ورانہ ٹیکس اور کاٹن فیس کی وصولی کے لئے سخت کوششیں کی جائیں۔ انہوں نے افسران سے کہا کہ وہ اپنے ماتحت عملے کو ہدایت کریں کہ معیاری آپریٹنگ طریقہ کار کے مطابق کمپیوٹر سسٹم میں تمام ادا شدہ چالان کو فوری طور پر اپ ڈیٹ کریں اور ان کی تصدیق کی جا ئے ۔ انہوں نے مزید کہا کہ تمام ریجنل ڈائریکٹرز ایکسائز اینڈ ٹیکسیشن فوری طور پر ضلعی افسران کو اپنے فیلڈ عملے کو متحرک کرنے اور ذاتی دلچسپی کے ذریعے سرکاری واجبات کی وصولی کو یقینی بنانے کے لئے ہدایت جاری کریں۔ اس موقع پر سیکرٹری ایکسائز اینڈ ٹیکسیشن و انسداد منشیات راجہ خرم شہزاد عمر نے صوبائی وزیر مکیش کمار چاؤ لہ کو بتایا کہ پراپرٹی ٹیکس ، پیشہ ورانہ ٹیکس اور کاٹن فیس کے بقایا جات کی وصولی کے لئے الگ ٹیمیں تشکیل دی جارہی ہیں۔وزیر برائے ایکسائز اینڈ ٹیکسیشن و انسداد منشیات نے امید ظاہر کی ہے کہ افسران محکمے کی توقعات پر پورا اتریں گے اور اپنے اپنے شعبے کا نام روشن کریں گے ۔

Advertisement
روزنامہ دنیا ایپ انسٹال کریں