نیوز الرٹ
  • بریکنگ :- وزیراعظم عمران خان سےسعودی ولی عہدمحمدبن سلمان کی ملاقات
  • بریکنگ :- ریاض:ملاقات مڈل ایسٹ گرین انیشی ایٹوسمٹ کی سائیڈلائن پرہوئی
  • بریکنگ :- ملاقات میں دوطرفہ امورپرتبادلہ خیال کیاگیا،وزیراعظم آفس
  • بریکنگ :- وزیراعظم نےسعودیہ کی ترقی کیلئےشاہ سلمان بن عبدالعزیزکی قیادت کوسراہا
  • بریکنگ :- سعودی وژن 2030 کےلیےولی عہدشہزادہ محمدبن سلمان کی بھی تعریف
  • بریکنگ :- مڈل ایسٹ گرین انیشی ایٹوسربراہی اجلاس کےانعقادپرمحمدبن سلمان کومبارکباد
  • بریکنگ :- پاکستان گرین انیشی ایٹوکی تکمیل میں تعاون اورحمایت کرےگا،وزیراعظم
  • بریکنگ :- وزیراعظم کاسعودی عرب کیساتھ مضبوط برادرانہ تعلقات کےعزم کااعادہ
  • بریکنگ :- سعودی عرب کیساتھ پاکستان کےاسٹریٹجک تعلقات کی اہمیت پربھی بات چیت
  • بریکنگ :- وزیراعظم نےہراہم موڑپرپاکستان کی مددپرسعودی عرب کاشکریہ اداکیا
  • بریکنگ :- دونوں رہنماؤں کاتمام شعبوں میں دوطرفہ تعاون مزیدمضبوط بنانےپراتفاق
  • بریکنگ :- دونوں رہنماؤں کاافغانستان میں تازہ ترین پیشرفت کابھی جائزہ
  • بریکنگ :- وزیراعظم کاافغانستان کی مددکیلئےبین الاقوامی برادری کےکردارکی اہمیت پرزور
  • بریکنگ :- وزیراعظم کاافغانستان میں بگڑتی انسانی صورتحال پرتشویش کااظہار
  • بریکنگ :- عالمی برادری افغانستان میں انسانی ومعاشی بحران روکنےکیلئےاقدامات کرے،وزیراعظم
Coronavirus Updates

اسمگل سامان کی فروخت روکنے کیلئے آپریشن کا فیصلہ

اسمگل سامان کی فروخت روکنے کیلئے آپریشن کا فیصلہ

دنیا اخبار

اہم بازاروں ، اسمگلنگ کا سامان منتقل کرنے والے بڑے ڈیلروں کی فہرست مرتب ، بڑے بیوپاریوں اور سپر اسٹورز کی نشاندہی کرلی گئی ،مقدمات کااندراج بھی ہوگا،شہرکے داخلی راستوں پر چیک پوائنٹس بھی بنائی جائینگی،اسمگل کاسامان فروخت کرنے والوں سے ٹیکس وصولی ہوگی،کسٹم، پولیس ،رینجرزودیگراداروں کااجلاس

کراچی (رپورٹ:نادر خان) اسمگلنگ کے سامان کی مقامی مارکیٹ میں فروخت کو روکنے کے لئے آپریشن کا فیصلہ ، کسٹم پریوینٹو ،کراچی پولیس ، رینجرز اور دیگر حساس اداروں کے مشترکہ اجلاس میں اہم بازاروں ، اسمگلنگ کا سامان منتقل کرنے والے بڑے ڈیلروں کی بھی فہرست مرتب کرلی گئی، بڑے بیوپاریوں اور سپر اسٹورز کی نشاندہی کرلی گئی ، اسمگلنگ کا سامان فروخت کرنے والے تاجروں سے ٹیکس وصولی کی جائے گی ،مقدمات کا اندراج بھی کیا جائے گا۔ وفاقی حکومت کی ہدایت پر اسمگلنگ کے سامان کی مقامی مارکیٹوں میں فروخت کے عمل کو روکنے کے لئے کسٹم ہاؤس کراچی میں ماڈل کسٹم کلکٹریٹ انفورسمنٹ ،کراچی پولیس ،رینجرز اور دیگر حساس اداروں کا مشترکہ اجلاس منعقد ہوا جس میں کراچی کے داخلی راستوں پر مشترکہ چیک پوائنٹس بنانے کا بھی فیصلہ کیا گیا ہے ۔ واضح رہے کہ اسمگلنگ کے سامان کی ملک بھر میں ترسیل کے لئے کراچی کے مختلف راستوں کو استعمال کیا جاتا ہے جبکہ 75فیصد سے زائد اسمگلنگ کے سامان کی فروخت کراچی کے بازاروں میں ہی ہوجاتی ہے جس کے لئے سی پورٹ سے نکلنے والے کنٹینرز کو کبھی ناردرن بائی پاس ، سپرہائی وے پر موجود گوداموں میں خالی کر کے سامان کو کراچی کی مارکٹیوں میں منتقل کردیا جاتا ہے اور کبھی افغانستان جانے والے کنٹینر کو دیگر خفیہ راستوں سے پاکستان میں داخل کر کے کراچی منتقل کردیا جاتاہے ۔ اس حوالے سے مشترکہ اجلاس میں فیصلہ کیا گیا کہ کراچی میں قائم 40کے قریب اہم مارکٹیوں ، درجن سے زائد سپر اسٹورز اور ان کی شاخوں میں کاؤنٹر پرموجود سامان کے ریکارڈ کو بھی چیک کیا جائے گا جس کے لئے مقامی سطح پر علاقائی پولیس ،رینجرز کی بھی مدد لی جائے گی اور ان مارکیٹوں اور سپراسٹورز پر فروخت ہونے والے اسمگلنگ کے سامان کی ضبطگی پر سپراسٹورز اور دکان مالکان سے ٹیکس وصولی کی جائے گی اور سامان کو بحق سرکار ضبط کرلیا جائے گا جبکہ بعض ممنوعہ سامان کی فروخت پر ایسے دکانداروں اور سپرا سٹورز کے خلاف مقدمات درج کئے جائیں گے ۔ذرائع کا کہنا ہے کہ کسٹم ،پولیس ،رینجرز پر مشتمل ایک مشترکہ ٹیم بھی تشکیل دی جاچکی ہے، یہ ٹیم کسٹم کی نگرانی میں کام کرے گی اور اس کی رپورٹ بھی کسٹم انفورسمنٹ میں کی جائے گی جس پر مشترکہ حکمت عملی کے تحت فیصلہ کیا جائے گا۔

Advertisement
روزنامہ دنیا ایپ انسٹال کریں