نیوز الرٹ
  • بریکنگ :- اسلام آباد : پبلک اکاؤنٹس کمیٹی کاراناتنویرکی زیرصدارت اجلاس
  • بریکنگ :- کمیٹی کی یوٹیلیٹی اسٹورزآف پاکستان کومکمل طور پرختم کرنےکی تجویز
  • بریکنگ :- رپورٹ کےباوجودغیرمعیاری اشیافروخت کرنےکاانکشاف
  • بریکنگ :- یوٹیلیٹی اسٹورزنےغیرمعیاری اشیافروخت نہ کرنے کی رپورٹ جمع کرائی تھی
Coronavirus Updates

آرٹس کونسل میں عمر شریف کی یاد میں تعزیتی ریفرنس کا انعقاد

آرٹس کونسل میں عمر شریف کی یاد میں تعزیتی ریفرنس کا انعقاد

دنیا اخبار

آرٹس کونسل آف پاکستان کراچی کی جانب سے لیجنڈ اداکار عمر شریف کی یاد میں تعزیتی ریفرنس کا انعقادکیا گیا

کراچی (اسٹاف رپورٹر) تعزیتی ریفرنس میں صدر آرٹس کونسل احمد شاہ، اراکین گورننگ باڈی ،شوبز انڈسٹری، سیاسی و سماجی شخصیات سمیت ان کے مداحوں کی بڑی تعداد شریک تھی۔ تقریب میں عمر شریف کی زندگی پر مبنی دستاویزی فلم دکھائی گئی، دستاویزی فلم میں بھارتی اداکار رضا مراد ، انوپم کھیر، اکشے کمار، راجو شیرواستو، گلوکار دلیر مہدی نے عمر شریف کی یادیں تازہ کیں۔ تقریب کی نظامت کے فرائض نعمان خان نے انجام دیئے۔ اس موقع پر صدر آرٹس کونسل محمد احمد شاہ نے کہا کہ عمر شریف بہت بڑا فنکار تھا، آرٹس کونسل عمر کا گھر ہے، عمر کا سارا کیریئر آرٹس کونسل کے تھیٹر پر رہا، آرٹس کونسل کے ایک گوشے میں عمر شریف کی تمام تصاویر، کیسٹس اور ان کی فلموں کے پوسٹرز رکھے جائیں گے۔ ٹی وی ڈائریکٹر محمد ظہیر خان نے کہا کہ عمر شریف تھیٹر کی دنیا کے بے تاج بادشاہ اور ایک عوامی انسان تھے۔ اداکار اورنگزیب لغاری نے کہا کہ عمر بہت خوبصورت دوست اور بہت خوبصورت ساتھی تھا، وہ بڑی شفقت اور سرپرستی سے اپنے چھوٹوں کو سکھایا کرتا تھا۔

Advertisement
روزنامہ دنیا ایپ انسٹال کریں