نیوز الرٹ
  • بریکنگ :- انڈر 19 ورلڈکپ، پاکستان نے افغانستان کو 24 رنز سے ہرا دیا
  • بریکنگ :- انڈر 19 ورلڈکپ، 240 رنز کا پاکستانی ہدف، افغانستان کے 215 رنز
  • بریکنگ :- پاکستان کی مسلسل دوسری جیت، گروپ سی میں 4 پوائنٹس کے ساتھ سرفہرست
  • بریکنگ :- عبدالفصیح 68 ، اوپنر محمد شہزاد 43 اور معاذ صداقت 42 رنز بنا کر ناٹ آؤٹ رہے
  • بریکنگ :- پہلے میچ کے سنچری میکر حسیب اللہ خان 2 رنز بنا کر آؤٹ ہوئے
  • بریکنگ :- افغانستان کے بولر اظہار الحق نوید نے 3 وکٹیں حاصل کیں
  • بریکنگ :- افغان اوپنر بلال سعید کے 42 رنز بھی ٹیم کو فتح نہ دلاسکے
Coronavirus Updates

کیماڑی پل تاخمیس گیٹ کیماڑی ڈنشا بی آواری سڑک کا افتتاح

کیماڑی پل تاخمیس گیٹ کیماڑی ڈنشا بی آواری سڑک کا افتتاح

صرف دو کلومیٹر سڑک کی اپ گریڈیشن نے علاقے کو کئی پہلوؤں سے بدل دیا، وزیر اعلیٰ ،خراب سڑک سے ٹریفک جام رہتا تھا ، مراد علی شاہ، تقریب میں پارسی برادری بھی شریک

کراچی (اسٹاف رپورٹر) وزیراعلیٰ سندھ سید مراد علی شاہ نے بہرام آواری کے ہمراہ کیماڑی پل سے خمیس گیٹ کیماڑی تک 40 ملین روپے کی لاگت سے تعمیر ہونے والی ڈنشا بی آواری سڑک کا افتتاح کر دیا۔ افتتاحی تقریب میں وزیر بلدیات سید ناصر شاہ، ایڈمنسٹریٹر کراچی مرتضیٰ وہاب، بہرام ڈی آواری ،ان کے تمام خاندان کے افراد اور پارسی برادری کے دیگر معززین نے شرکت کی۔ مراد علی شاہ نے کہاکہ ڈنشا بی آواری سڑک بندرگاہ کو کراچی سے جوڑتی ہے، پاکستان سے آنے اور جانے والے مال بردار ٹریفک کیلئے ہر لحاظ سے اس سڑک کو خاص اہمیت حاصل ہے، یہ سڑک عوام اور مال بردار گاڑیوں کو بابا بھٹ جزائر اور منوڑہ تک لے جاتی ہے۔ انہوں نے مزید کہا کہ اس سے قبل سڑک کی حالت انتہائی خراب تھی، جس کی وجہ سے طویل تاخیر اور ٹریفک جام رہتا تھا، اس طرح سندھ حکومت نے کے ایم سی کے ذریعے اس سڑک کی بہتری کا بیڑہ اٹھایا، جس میں موجودہ ٹریکس کی تزئین و آرائش اور نکاسی آب کے نظام کی بہتری شامل تھی جو اس کی خرابی کی بڑی وجہ بنی ہوئی تھی، اس کے علاوہ سڑک کی الیکٹری فکیشن کو بھی اپ گریڈ کیا گیا ہے ۔ انہوں نے کہا کہ اگرچہ یہ سڑک صرف دو کلومیٹر پر محیط ہے لیکن اس کی بہتری اور اپ گریڈیشن نے علاقے کو کئی پہلوؤں سے بدل دیا ہے ۔ وزیراعلیٰ سندھ نے کہا کہ مذکورہ سڑک کا نام مسٹر ڈنشا بہرام جی آواری کے نام پر رکھا گیا ہے۔

Advertisement
روزنامہ دنیا ایپ انسٹال کریں