نیوز الرٹ
  • بریکنگ :- عادی مجرموں سے پلی بارگین نہیں کی جائےگی،فروغ نسیم
  • بریکنگ :- 5سال کی سزاپانےوالا 20 سال تک سزاکاٹتارہتا ہے،فروغ نسیم
  • بریکنگ :- اس نظام میں جج فیصلہ کرےگاجرم کی نوعیت کیا ہے،فروغ نسیم
  • بریکنگ :- پلی بارگین چھوٹے جرائم کیلئے ہے،فروغ نسیم
  • بریکنگ :- مقصد یہ ہےبڑےجرائم پرتوجہ دی جاسکے،فروغ نسیم
  • بریکنگ :- لوئرکورٹس میں وکلاکےالتوالینےسےفیصلوں میں تاخیرہوتی ہے،فروغ نسیم
  • بریکنگ :- گواہوں کے تحفظ کی بھی پالیسی بنادی گئی ہے،فروغ نسیم
  • بریکنگ :- وزیراعظم کومحسوس ہوایہ کام وزارت قانون کرسکتی ہے،فروغ نسیم
  • بریکنگ :- تمام اسٹیک ہولڈرزسےمشاورت کرکےمسودہ تیارکیاگیا،فروغ نسیم
  • بریکنگ :- منگل کومسودہ کابینہ میں پیش کیاجائےگا،فروغ نسیم
  • بریکنگ :- مسودہ پارلیمان میں پیش کیاجائےگا،فروغ نسیم
  • بریکنگ :- اپوزیشن سیاست نہ کرے،اس قانون کوپاس کرے،فروغ نسیم
  • بریکنگ :- ہرتھانےکاپولیس بجٹ منظورہوتاہے،فروغ نسیم
  • بریکنگ :- منظورشدہ بجٹ تھانے کونہیں دیاجاتا،فروغ نسیم
  • بریکنگ :- تھانیدارکے پاس قلم اورسیاہی کےپیسے نہیں ہوتے،فروغ نسیم
  • بریکنگ :- یقینی بنایا ہے کہ فنڈتھانےکوہی دیاجائےگا،فروغ نسیم
  • بریکنگ :- شواہد کی ریکارڈنگ کیلئےکئی دن درکار ہوتے ہیں،فروغ نسیم
  • بریکنگ :- انگلینڈمیں شواہدجمع کرنےکیلئےلائیوریکارڈنگ ہوتی ہے،فروغ نسیم
  • بریکنگ :- بیرون ملک یاشہررہنےوالوں کےبیان ویڈیولنک کےذریعے ریکارڈہوں گے،فروغ نسیم
  • بریکنگ :- ان کیسز پر توجہ دی جائے گی جن میں شواہدموجود ہوں گے،فروغ نسیم
Coronavirus Updates

کلچرڈے پر ملک مخالف نعرے بازی،41افراد کیخلاف مقدمہ

کلچرڈے پر ملک مخالف نعرے بازی،41افراد کیخلاف مقدمہ

جامعہ جامشورو کے20طلباشامل،پولیس کارروائیوں میں ڈاکوسمیت11ملزم گرفتار

جامشورو،اندرون سندھ (نمائندگان دنیا)جامعہ سندھ جامشورو میں 18 نومبر کو منائے گئے کلچر ڈے میں ملک کے خلاف نعرے بازی اور کووڈ ایس او پیز کی خلاف ورزی پر طالبعلموں کو شوکاز نوٹس جاری کیے جانے کے بعد پیر کوجامشورو پولیس نے 20 طلبا پر دہشت گردی کی دفعات شامل کرکے سرکاری مدعیت میں جامشورو تھانے میں ایف آئی آر درج کرادی ۔ دوسری جانب مختلف ڈپارٹمنٹس کے طلبا کی جانب سے احتجاج کا اعلان کیا گیا ہے ۔ٹنڈوالہ یار سے نمائندے کے مطابق ثقافتی دن پر دیگر سیاسی و سماجی تنظیموں کے ساتھ جئے سندھ قومی محاذ (جسقم) کی جانب سے بھی ریلی نکالی گئی جس میں پاکستان مخالف نعرے لگانے والے چھ نامزد اور 15 نامعلوم افراد کے خلاف غداری کا مقدمہ درج ہوگیا ۔ سرکاری مدعیت میں درج ہونے والے مقدمے میں اکرم پہنور ، حبیب اللہ کالرو ،وقار بوزدار ، واجد سومرو ، سونو بھیل اور شاہ زیب پہنور کونامزد کیا گیا ہے تاہم کوئی گرفتاری عمل میں نہیں آئی ۔ لاڑکانہ سے نمائندے کے مطابق تھانہ لاشاری کی حدود بگو سم شاخ پرواردات کے ارادے سے کھڑے مسلح ملزمان سے مقابلے کے بعد پولیس نے ایک ڈکیت امام بخش ڈائوچ کو بغیر لائسنس پستول اور گولیوں سمیت گرفتار کرلیا۔پڈعیدن پولیس نے شاہد پلھ کو 210 گٹکوں سمیت، محراب پور پولیس نے مطلوب ملزم منور وٹو کو اور امتیاز شر کو10 لٹر شراب سمیت، دریا خان مری پولیس نے عبدالرشید مری کو غیرقانونی پستول اور 3 رائونڈز سمیت گرفتار کرلیا۔ محراب پورسے نمائندے کے مطابق کنڈیارو پولیس نے ملزم دلدار علی گھانگرو کی نشاندہی پر آلہ قتل غیرقانونی پستول برآمد کرلیا ہے ۔ پنگریو سے نمائندے کے مطابق ضلع بدین میں پولیس نے مختلف مقامات پر کارروائیاں کرکے 133 لٹر دیسی شراب،3455گٹکے اور27کلو گرام سپاری چورا برآمد کرلی اور مطلوب و روپوش سمیت6ملزمان گرفتار کرلیے ۔ میرپورماتھیلو سے نمائندے کے مطابق ضلع گھوٹکی میں تعینات نئے ایس ایس پی اظہر مغل نے امن و امان کے حوالے سے صحافیوں سے تعارفی ملاقات کی جس میں صحافیوں کی جانب سے کچھ تجاویز پیش کی گئیں جن پر ایس ایس پی نے عمل درآمد کی یقین دہانی کرائی اورکہا کہ کچے میں جرائم پیشہ افراد کے خلاف نئی حکمت عملی کے تحت آپریشن کیا جائے گا ۔ نواب شاہ سے نمائندے کے مطابق نئے تعینات ڈی آئی جی شہید بینظیر آباد خادم حسین رند کو رینج آفیس پہنچنے پر پولیس کے چاق و چوبند دستے نے سلامی پیش کی جبکہ خادم حسین رند نے رینج آفس کی مختلف برانچوں کے سربراہان سے ملاقات کی۔

Advertisement
روزنامہ دنیا ایپ انسٹال کریں