نیوز الرٹ
  • بریکنگ :- موسم کی خرابی اورطیاروں کی کمی،لاہورایئرپورٹ پرفلائٹ آپریشن متاثر
  • بریکنگ :- لاہور:7پروازیں تاخیرکاشکار،2منسوخ کردی گئیں
  • بریکنگ :- لاہورسےمدینہ جانےوالی پرواز تاخیرکاشکار
  • بریکنگ :- لاہورسےریاض جانےوالی پروازصبح 9بجکر10منٹ پرروانہ ہوگی
  • بریکنگ :- لاہورسےاستنبول جانےوالی پروازدوپہرساڑھے12بجےتک تاخیرکاشکار
  • بریکنگ :- لاہورسےدبئی جانے والی پروازرات پونے8بجےتک تاخیرکاشکار
  • بریکنگ :- دبئی سےلاہورآنےوالی پروازصبح 11بجےتک تاخیرکاشکار
  • بریکنگ :- ریاض سےلاہورآنےوالی پروازصبح 7بجےتک تاخیرکاشکار
  • بریکنگ :- لاہورسےدوحہ جانےوالی پروازمنسوخ
  • بریکنگ :- دوحہ سےلاہورآنےوالی پروازمنسوخ
Coronavirus Updates

میرپورماتھیلوکا ڈسٹرکٹ اسپتال گمبٹ انسٹی ٹیوٹ کے سپرد

میرپورماتھیلوکا ڈسٹرکٹ اسپتال گمبٹ انسٹی ٹیوٹ کے سپرد

میرپور ماتھیلو، اندرون سندھ (نمائندگان دنیا، بیورو رپورٹ) میرپورماتھیلو میں قائم ڈی ایچ کیو اسپتال کو گمبٹ انسٹیٹیوٹ کے حوالے کردیا گیا جہاں پر گمبٹ انسٹیٹیوٹ کا طبی عملہ اپنی خدمات انجام دے گا ۔

میرپور ماتھیلو سے تعلق رکھنے والے صوبائی وزیر عبدالباری پتافی نے میرپورماتھیلو کے ڈی ایچ کیو اسپتال کو اپ گریڈ کرنے کے حوالے سے متعدد بار بلاول بھٹو اور فریال تالپورسے ملاقاتیں کیں جس پر فریال تالپور نے ذاتی دلچسپی لیتے ہوئے ڈی ایچ کیواسپتال کو گمبٹ انسٹیٹیوٹ کے حوالے کرنے کے احکامات دیے جس کے بعد گمبٹ اسپتال کی میڈیکل ٹیم نے عبدالباری پتافی کی قیادت میں ڈی ایچ کیو اسپتال کا دورہ کیا اور اسے موزوں قرار دیا تھا۔

میرپورخاص سے نمائندے کے مطابق ( ایڈمنسٹریٹر میونسپل کارپوریشن میرپورخاص عزیز الرحمن تنیو نے کہا ہے کہ اتوار سے شہر کی تمام آٹھوں یو سیز میں صفائی کے کام کا آغاز کیا جا رہا ہے ، اس مقصد کیلئے 40 چالیس سینٹری ورکرز کی ٹیمیں تشکیل دی گئی ہیں جبکہ صفائی کے کام کی نگرانی میں خود کروں گا ۔ان خیالات کا اظہار انھوں نے میرپورخاص پریس کلب کے صحافیوں سے گفتگو کرتے ہوئے کیا ۔انہوں نے کہا کہ نالوں اور نالیوں کی صفائی کے بعد فوری ان سے نکلنے والے کچرے کو ٹھکانے لگایا جائے گا جبکہ سیوریج کے نظام کو بھی فعال کیا جائے گا۔

جھڈو سے نمائندے کے مطابق ایڈمنسٹریٹر جھڈو منیر احمد منگی نے صحافیوں سے بات چیت کرتے ہوئے بتایا ہے کہ شہر میں 8 کروڑ روپے کے ترقیاتی کام مرحلہ وار کروائے جائیں گے ، پہلے مرحلے میں 3 کروڑ روپے کی اسکیموں پر جلد ترقیاتی کام شروع کئے جارہے ہیں جبکہ دوسرے مرحلے میں مزید اسکیمیں دی جائیں گی ،شہر کے کسی علاقے کو نظر انداز نہیں کیا جائے گا اور تمام ترقیاتی کام میرٹ پر شفاف طریقے سے ہوں گے۔

Advertisement
روزنامہ دنیا ایپ انسٹال کریں