ترقی پانے والے 10سب انسپکٹرز کو رینک لگادیے گئے
کراچی (اسٹاف رپورٹر)ایس ایس پی انویسٹی گیشن ڈسٹرکٹ کیماڑی لیفٹیننٹ (ر) اظہر جاوید نے اپنے دفتر میں منعقدہ تقریب میں اسسٹنٹ سب انسپکٹر سے سب انسپکٹر کے رینک پر ترقی پانے والے 10 افسران کو پروموشن رینک لگائے ۔۔
اس موقع پرڈی ایس پی انویسٹی گیشن کیماڑی ڈویژن غلام علی مروت اور آفس اسٹاف کے ساتھ دیگر افسران بھی موجود تھے ۔ ایس ایس پی انویسٹی گیشن لیفٹیننٹ (ر) اظہر جاوید نے ترقی پانے والے افسران کو مبارکباد دی اور مستقبل کے حوالے سے نیک خواہشات کا اظہار کرتے ہوئے اپنے فرائض، ایمانداری اور لگن سے ادا کرنے اور اپنی صلاحیتوں کو مظلوموں کو انصاف کی فراہمی یقینی بنانے کے لئے وقف کرنے کی ہدایات دیں۔
روزنامہ دنیا ایپ انسٹال کریں
