ضلع ملیر :پیپلز پارٹی کے یوم تاسیس کے جلسے کے حوالے سے ہدایات جاری
کراچی (اسٹاف رپورٹر )پیپلز پارٹی کی جانب سے 30 نومبر کونشتر پارک میں پارٹی کے یوم تاسیس کا جلسہ منعقد کرنے کے اعلان کے بعد پیپلز پارٹی ملیر ایگزیکٹو اجلاس پارٹی کے صدر ضلع ملیر ایم پی اے راجہ رزاق بلوچ کی صدارت میں منعقد ہوا ۔۔
جس میں ملیر سے تمام ایم این ایز، ایم پی ایز ،ٹاؤن چیئرمین ،وائس چیئرمین کو جلسے کے حوالے سے ہدایات جاری کی گئیں۔جلسے میں کراچی کے تمام اضلاع اپنے اپنے قافلوں کے ہمراہ شرکت کریں گے ۔جلسہ سے قبل تمام پی ایس میں استقبالیہ اور آگاہی کیمپ لگائیں جائیں گے ۔ اجلاس میں پیپلز پارٹی ملیر کے جنرل سیکریٹری امداد جوکھیو،ڈپٹی مئیر کراچی سلمان عبداللہ مراد، صوبائی وزیر شاہینہ شیر علی ودیگر شریک ہوئے۔
روزنامہ دنیا ایپ انسٹال کریں
