دولت پور:کھاد کی دکان میں نقب زنی کی واردات
دولت پور(نمائندہ دنیا)دولت پور میں دن دیہاڑے دکان میں نقب زنی کی واردات ہوئی،چور وں نے 50 بوری کھاد رکشے پر لاد کر فرار ہونے کی کوشش کی ۔۔
تاہم شہریوں نے تعاقب کے بعد رکشہ ڈرائیور کو پکڑ کر پولیس کے حوالے کردیا۔تفصیلات کے مطابق دولت پور میں محمد رمضان آرائیں کی زرعی کھاد کی دکان میں واردات کیلئے 4 نامعلوم چوروں نے دن دیہاڑے دکان کے تالے توڑے اور پھر اپنے تالے لگا کر چلے گئے ، چند منٹ بعد ملزمان تالے کھول کر دو لوڈر رکشوں پر 50 بوری کھاد لاد کر فرار ہوگئے ، شہریوں نے شک ہونے پر مشکوک لوڈر رکشے کا پیچھا کیا اور سنگھراہ موری کے مقام پر ایک رکشہ ڈرائیور کو پکڑ کر پولیس کے حوالے کر دیا۔
روزنامہ دنیا ایپ انسٹال کریں
