منگھوپیر میں گھر سے 6بچوں کی ماں کی پھندا لگی لاش برآمد
کراچی (اسٹاف رپورٹر)منگھوپیرگلشن توحید میں واقع گھرسے 6 بچوں کی ماں کی گلے میں پھندالگی لاش ملی ہے ۔تفصیلات کے مطابق منگھوپیرتھانے کے علاقے گلشن توحید ایازمسجد کے قریب گھرمیں خاتون کی پھندا لگی لاش ملی ہے جسے فوری طورپرعباسی شہید اسپتال منتقل کیا گیا جہاں خاتون کی شناخت 35 سالہ خورشیدہ بیگم زوجہ حسن کے نام سے کی گئی۔
منگھوپیرپولیس کے مطابق جاں بحق ہونے والی خاتون 6 بچوں کی ماں تھی اور خاتون کا شوہرایمبرائڈری کا کام کرتا ہے اورہفتے بھرسے بے روز گار ہے ، خاتون کا اکثر اپنے شوہرسے خرچے کے پیسے نہ دینے پرجھگڑا ہوا کرتا تھا،خاتون غربت کی وجہ سے کافی پریشان تھی۔منگھوپیرپولیس کا کہنا ہے کہ ابھی یہ واضح نہیں ہے کہ خاتون نے خودکشی کی ہے یا اسے قتل کیا گیا،خاتون کی لاش پوسٹ مارٹم کے لیے اسپتال منتقل کی گئی ہے اورپوسٹ مارٹم کے بعد وجہ موت کا تعین ہوسکے گا، تاہم پولیس نے واقعے کی مزید تفتیش شروع کردی ہے ۔
