غزہ میں جنگ بندی پرعملدرآمد خوش آئند،شاداب رضا
کراچی (اسٹاف رپورٹر )سربراہ پاکستان سنی تحریک محمد شاداب رضا نقشبندی نے کہا ہے کہ غزہ میں جنگ بندی پر عمل درآمد خوش آئند ہے مستقل امن کی طرف پیش خیمہ سمجھتے ہیں۔۔۔
اسرائیلی وزیر اعظم دھمکیوں سے باز رہیں ،معاہدے کی من وعن پاسداری کو یقینی بنایا جائے ،معاہدے کے بعد بھی اسرائیلی طیاروں کی بمباری کھلی بربریت اور دہشتگردی ہے ،فلسطین وکشمیر کے عوام کو حق خود ارادیت دلانے کیلئے اقوام متحدہ بلاتفریق کردار ادا کرے ۔بیانمیں انہوں نے مزید کہا کہ فلسطین کے مسئلے کو اولین بنیادوں پر سلامتی کونسل کی قرار دادوں کی روشنی میں حل کیا جائے ،طاقت کا استعمال کرنیوالے ظالم اسرائیل کے ہاتھ فلسطین کے 50 ہزار سے زائد مظلوموں کے خون سے رنگے ہیں،فلسطین کے غیور نہتے مظلوم عوام نے اسرائیل کو گھٹنے ٹیکنے پر مجبور کردیا ظالم ہمیشہ مرعوب ہوتے رہینگے ،فلسطین میں شہادت پانے والے معصوم بچوں وخواتین کی اکثریت زیادہ ہے ،اسرائیل نے سوچے سمجھے منصوبے کے تحت معصوم بچوں اور اسپتالوں وآبادیوں کو نشانہ بنایا ہے ،اسرائیل جتنا چاہے ظلم کرلے دنیا کے نقشے پر ناجائز ریاست کے طور پر رہے گا۔انہوں نے کہا کہ فلسطین کے عوام کے ساتھ کھڑے ہیں اور ان کی آزادی حق خود ارادیت کی تحریک کو دبنے نہیں دینگے ،عالمی عدالت جنگی جرائم کے عالمی مجرم نیتن یاہو کی گرفتاری کیلئے ہر ممکن اقدامات کرے ۔
