انسداد پولیومہم کا عمل غیر معمولی بنایا جائے ،وزیرداخلہ

انسداد پولیومہم کا عمل غیر معمولی بنایا جائے ،وزیرداخلہ

کراچی(این این آئی)وزیر داخلہ سندھ ضیاء الحسن لنجار نے پولیس حکام کو احکامات دیتے ہوئے کہاہے کہ صوبائی سطح پر پولیو ویکسی نیشن کے عمل کو انتہائی محفوظ اور غیر معمولی بنایا جائے ۔۔

۔مہم کے دوران متعلقہ اداروں سے اور باہم روابط کو یقینی بنایا جائے ۔ وزیر داخلہ سندھ نے کہاکہ پولیو ڈراپس مہم کے موقع پر یونین کونسلز کو کٹیگریز میں تقسیم کرکے سکیورٹی کے تمام تر اقدامات کو انتہائی ٹھوس بنایا جائے ۔حساس یونین کونسلز میں پولیو ڈراپس اسٹاف،لیڈی ہیلتھ ورکرز اور ان پر مشتمل ٹیموں کی حفاظت کے لیئے پولیس کمانڈوز کی ڈپلائمنٹ کی جائے ۔سکیورٹی کے عمل کے دوران حصار حکمت عملی اختیار کی جائے ۔ضیاء الحسن لنجار نے کہاکہ علاقوں،گلیوں و راستوں وغیرہ پر کڑی نگرانی کے عمل کو تھانوں کے لحاظ سے یقینی بنایا جائے ۔گھر گھر جاکر بچوں کو پولیو ڈراپس پلانے کے مجموعی اقدامات کو موثر اور کامیاب بنایا جائے ۔وزیر داخلہ سندھ نے کہاکہ تمام اضلاع میں پولیس گشت،اسنیپ چیکنگ،ریکی ناکہ بندی جیسے اقدامات مزید سخت کیے جائیں۔ایڈوانس انٹیلی جنس کلیکشن سسٹم کو ٹھوس اور مربوط بنایا جائے ۔ضلعی ایس ایس پیز کو پولیو ڈراپس مہم کے سکیورٹی اقدامات کی نگرانی پابند بنایا جائے ۔پولیو مہم کے تمام دنوں میں ایس ایچ اوز کی علاقوں میں موجودگی اور متعلقہ وائرلیس کنٹرول بیس پر لمحہ بہ لمحہ رپورٹ نوٹ کرانے کے حوالے سے بھی خصوصی تاکید کی جائے۔

 

روزنامہ دنیا ایپ انسٹال کریں