ریشین کلچرل سنٹر کے قونصلر کا الحمراآرٹس کونسل کا دورہ
اندھرے جی فسیان کی اسلامی آرٹ ورک پر مبنی نمائش ‘‘مکہ و مدینہ ’’ میں شرکت
لاہور (لیڈی رپورٹر ) لاہور آرٹس کونسل الحمرا میں مقد س شہر مکہ و مدینہ کی تاریخی حیثیت و مختلف ادوار کو ظاہر کرتی تصاویر پر مبنی نمائش ‘‘مکہ و مدینہ ’’ سجائی گئی۔نمائش میں قونصلیٹ جنرل آف دی ریشین فیڈریشن ،ریشین سنٹر فار سائنس اینڈ کلچر کے قونصلر ڈائریکٹر اندھرے جی فسیان نے خصوصی شرکت کی اور نمائش ‘‘مکہ و مدینہ ’’ کا افتتاح کیا۔اندھرے جی فسیان نے اسلامی آرٹ ورک پر مبنی نمائش ‘‘مکہ و مدینہ ’’ میں شرکت کرتے ہوئے مقدس مقامات کی مختلف ادوار کی بنائی گئی تصاویر میں گہری دلچسپی لی۔ نمائش کا مقصدمکہ و مدینہ کے تاریخی پیش منظر کو دیکھنے والوں کے سامنے پیش کرنا ہے ۔نمائش دیکھنے والوں کو ان شہروں کی سلسلہ وار تعمیر و ترقی سے آگہی ملتی ہے ۔نما ئش میں شریک عوام نے نمائش کے منتظمین کی کاوش کو سراہا۔
