لیسکو :سولر سسٹم کے بائی ڈائریکشنل میٹرز کی قیمت مقرر

لاہور(اپنے کامرس رپورٹر سے)لاہور الیکٹرک سپلائی کمپنی نے سولر سسٹم میں استعمال ہونے والے بائی ڈائریکشنل میٹرز کی قیمت مقرر کر دی ،صارفین کو میٹر کی قیمت کے علاوہ انسٹالیشن چارجز بھی جمع کر انے ہوں گے۔
سولر سسٹم میں استعمال ہونے والے بائی ڈائریکشنل میٹرز کی قیمت 43,000 روپے مقرر کی گئی ہے ، قیمت کے علاوہ 3,000 روپے انسٹالیشن چارجز بھی جمع کر انے ہوں گے ۔صارفین کو میٹر کی قیمت اور انسٹالیشن چارجز کے ڈیمانڈ نوٹسز متعلقہ بینک میں جمع کر انے کی ہدایت کی گئی ہے ۔ شعبہ میٹریل مینجمنٹ نے تمام دفاتر کو اس بارے میں مراسلہ ارسال کر دیا ہے ۔لیسکو میں گزشتہ دو ماہ سے سولر سسٹم کے کنکشن کے حوالے سے ڈیڈ لاک کی صورتحال پیدا ہو گئی تھی جسے اب نوٹیفکیشن اور مراسلے کے ذریعے ختم کر دیا گیا ہے ۔ آئندہ این او سی جاری نہ کرنے کا نوٹیفکیشن بھی جاری کر دیا گیا ہے۔