مسلمان انسانیت سے دور ہوتے جا رہے ہیں:علامہ جواد نقوی

لاہور(سیاسی نمائندہ)تحریکِ بیداریِ امت مصطفی کے سربراہ علامہ سید جواد نقوی نے کہا ہے کہ آج ہم جس دور میں ہیں، اس میں مسلمان اپنی انسانیت سے دور ہوتے جا رہے ہیں اور اس کی سب سے بڑی مثال غزہ کا بحران ہے۔۔۔
وہاں پر اسرائیل کی جارحیت کے باوجود مسلمانوں کی طرف سے کمزوری، غفلت اور خیانت دیکھنے کو مل رہی ہے۔ ایک تقریب سے خطاب کرتے ہوئے انہوں نے کہا اس وقت اسرائیل نے اپنے تین ہزار سال پرانے نقشے کو دوبارہ دنیا کے سامنے پیش کیا، جس میں وہ مسلم سرزمینوں کوحاصل کرنے کی کوشش کر رہا ہے، اس کے مقابلے میں مسلمانوں کی فوجیں اورحکومتیں کچھ نہیں کر پا رہیں، اگر یہ صورتحال ایسے ہی برقرار رہی تو ہم یقیناً اسرائیل کی طاقتور سلطنت کے دوبارہ قیام کو دیکھیں گے۔