محکمہ زراعت کا گندم کی فصل کیلئے آبپاشی شیڈول جاری

 محکمہ زراعت کا گندم کی فصل کیلئے آبپاشی شیڈول جاری

لاہور(کامرس رپورٹر)محکمہ زراعت پنجاب نے گندم کی فصل کیلئے آبپاشی کا شیڈول جاری کر دیا، ترجمان محکمہ زراعت کے مطابق گندم کی فی ایکڑ زیادہ پیداوار کے حصول کیلئے بروقت اور مناسب آبپاشی نہایت اہم ہے۔

کپاس مکئی اور گنے کے بعد کاشتہ گندم کو پہلی آبپاشی شگوفے نکلتے وقت یعنی بوائی کے 20تا25 دن بعد، دوسری آبپاشی گوبھ کے وقت 80تا90 دن بعد اور تیسری آبپاشی دانہ بننے کی ابتدا یعنی بوائی کے 125تا130 دن بعد کرنی چاہیے ۔ دھان کی فصل کے بعد کاشتہ گندم کوپہلی آبپاشی بوائی کے 35تا45دن بعد، دوسری آبپاشی گوبھ کے وقت یعنی بوائی کے 80تا90 دن بعد اور تیسری آبپاشی بوائی کے 125تا130 دن کے بعدکرنی چاہیے ۔ ترجمان محکمہ زراعت پنجاب نے مزید کہا کہ پچھیتی کاشتہ گندم کو پہلا پانی بوائی کے 25 تا30 دن بعد،دوسری آبپاشی70 تا80 دن بعد اور تیسری آبپاشی بوائی کے 110 تا115 دن بعد کرنی چاہیے۔

روزنامہ دنیا ایپ انسٹال کریں