یوسی24کے مکینوں کا واسا کے خلاف احتجاجی مظاہرہ
پائپ نہ ڈالنے کی وجہ سے آنے جانے میں شدید دشواری کا سامنا ہے گندے پانی سے گزرنا محال،مسئلہ حل نہ ہوا تو احتجاج وسیع کرینگے ،مظاہرین
ملتان( وقائع نگار خصوصی)یوسی24محلہ اتفاق پورہ نزد 14نمبر چونگی کے مکینوں نے واسا کے خلاف سابق چیئرمین پاکستان بیت المال حاجی اکرم کی قیادت میں احتجاجی مظاہرہ کیاگیا۔تفصیل کے مطابق محلہ اتفاق پورہ کے رہائشیوں نے اویس اکرم،شمس الدین، ملک شوکت، حاجی الیاس، محمد رمضان، علی شیر، عابد، زبیر، خرم شہزاد، رمضان انصاری،محمد عارف، عاطف سمیت دیگر افراد نے چیئرمین پاکستان بیت المال حاجی اکرم کی قیادت میں احتجاجی مظاہرہ کرتے ہوئے بتایا کہ علاقے میں عرصہ دراز سے موجود پائپ نہ ڈالنے کی وجہ سے گزربسرکے لئے دشواری کا سامنا پیش آرہا ہے ،نمازی حضرات،بزرگ بچے و خواتین کے لئے گزرنے کے لئے گندے پانی سے گزرناپڑتاہے ڈائریکٹر واسا ناصر اقبال علاقہ کا موقع پروزٹ کریں تو پتاچل سکے کہ علاقہ مکین کس پریشانی سے دوچار ہورہے ہیں،علاقہ میں ہرگلی گندے پانی کی وجہ سے زیر آب ہے جس کے متعلق ادارے کو متعدد بار آگاہ کرچکے ہیں مگر افسوس کے ساتھ کسی کے کانوں پرکوئی جوں تک نہ رینگی اگر انتظامیہ نے اپنی روایت نہ بدلی تو احتجاج کا سلسلہ وسیع کیا جائے گا جس کی ذمہ داری متعلقہ اداروں پر عائد ہوگی۔
