نیوز الرٹ
  • بریکنگ :- سیالکوٹ انٹرنیشنل ایئرپورٹ پرکسٹمزحکام کی کارروائی
  • بریکنگ :- سیالکوٹ:ملزم کاشف نورسےڈیڑھ کلوآئس برآمد،ایئرپورٹ ذرائع
  • بریکنگ :- سیالکوٹ:ملزم نجی ایئرلائن سےبحرین جارہاتھا،ذرائع
Coronavirus Updates

چائلڈ پروٹیکشن کو 5لاوارث گمشدہ بچوں کے لواحقین کی تلاش

 چائلڈ پروٹیکشن کو 5لاوارث گمشدہ بچوں کے لواحقین کی تلاش

دنیا اخبار

بچوں کو مختلف مقامات سے لاوارث گمشدہ پاکر حفاظتی تحویل میں لیا گیاتھا

ملتان(خبرنگارخصوصی) چائلڈ پروٹیکشن اینڈ ویلفیئر بیورو میں رہائش پذیر 5 لاوارث گمشدہ بچوں کے لواحقین کی تلاش، چائلڈ پروٹیکشن بیورو شعبہ عوامی آگاہی و فیملی ٹریسنگ کی بھرپور کاوشوں کے باوجود ان بچوں کے لواحقین کے بارے میں ابھی تک کچھ معلوم نہیں ہو سکا ہے ، بچوں کو مختلف مقامات سے لاوارث گمشدہ پاکر حفاظتی تحویل میں لیا گیا، ان بچوں میں 12 سالہ عبید ولد آصف 7 سال قبل مظفر آباد ملتان سے ریسکیو کیا گیا ، اپنا گھر خانیوال بتاتا ہے ، 17 سالہ گونگا بہرہ لڑکا 6 سال قبل ریسکیو ہوا، فرضی نام ٹی ٹی رکھا گیا ہے ، 14 سالہ شاہد ولد شعیب 6 سال قبل دوران سیلاب دائرہ دین پناہ کوٹ ادو سے گمشدہ پاکر ریسکیو کیا گیا ، بچے کا ذہنی توازن درست نہیں ہے ، 14 سالہ احمد 5 سال قبل ضلع لیہ سے لاوارث گمشدہ پاکر حفاظتی تحویل میں لیا گیا،بچے کا ذہنی توازن درست نہیں، 9 سالہ اقبال ولد موسیٰ تقریباً 1 سال قبل ریسکیو کیا گیا بچے کو تھانہ سٹی لیہ سے لاوارث گمشدہ پاکر چائلڈ پروٹیکشن بیورو کے حوالے کیا گیا۔ ترجمان بیورو کا کہنا ہے کہ بچہ اپنے گھر کا ایڈریس نہیں جانتا شامل ہیں، کوئی بھی شخص ان بچوں کو یا ان کے لواحقین کے بارے میں جانتا ہو وہ چائلڈ پروٹیکشن اینڈ ویلفیئر بیورو ملتان یا چائلڈ ہیلپ لائن 1121 یا انچارج فیملی ٹریسنگ سید اعجاز رضا کے فون نمبر 03016046312 پر رابطہ کریں۔

Advertisement
روزنامہ دنیا ایپ انسٹال کریں