چورگینگ کے 3ارکان پولیس کے ہتھے چڑھ گئے ،اعتراف جرم
ملتان (کرائم رپورٹر)پولیس تھانہ دولت گیٹ نے کارروائی کرتے ہوئے موٹر سائیکل چوری میں ملوث موٹر سائیکل چور گینگ کے 3 ارکان کو گرفتار کرلیا،گرفتار ملزموں میں علی رضا ، وحید اور سعید شامل ہیں ،جن سے ایک چوری کیاگیا موٹرسائیکل اور ایک لاکھ 25ہزار رپے کی رقم برآمد ہوئی ہے ۔
ملزم سابقہ ریکارڈ یافتہ ہیں اور انہوں نے 11موٹرسائیکل چوری کرنے کا اعتراف جرم کرلیا ہے ۔مختلف تھانوں میں دھوکہ دہی اور جعلسازی کے الزام میں زاہد سرور،عثمان زاہد ،اویس ، مظہر،اجمل،ظاہر،طاہراوردونامعلوم کے خلاف مقدمات درج کرلئے گئے ۔ شاہ رکن عالم پولیس نے نعیم شوکت اورخالد کیخلاف دھوکہ دہی کے الگ الگ مقدمات درج کئے ۔
منشیات فروشی کے الزام میں مبارک علی ، عرفان ،اعجاز ،عارف ، سہیل ،عتیق الرحمن ،ابوبکر ، شبیرحسین ،خاورکے خلاف مقدمات درج کئے ۔اور ان سے بھاری مقدار میں شراب اور چرس برآمد ہوئی ۔ صدرجلالپورپولیس نے کاشف،اکمل ،حمزہ اورمحمد علی سے ناجائز اسلحہ برآمد کرکے ایف آئی آرز درج کرلیں ۔
