حضرت بہائو الدین زکریاؒ کا عرس کل سے شروع
ملتان(لیڈی رپورٹر)محکمہ اوقاف ملتان کے ڈسٹرکٹ منیجر سید ایازالحسن گیلانی نے کہا ہے کہ شیخ الاسلام حضرت بہاؤالدین زکریاملتانی کا۔
سالانہ تین روزہ عرس کی تقریبات کل صبح دس بجے شروع ہونگی عرس کی تقریبات کا آغاز مزار شریف کے غسل سے ہوگا بعد ازاں سالانہ قومی زکریا کانفرنس بھی منعقد کی جائے گی جس میں ملک بھر سے علماء کرام خطاب کر یں گے ۔انہوں نے کہا کہ محکمہ اوقاف نے عرس کے سلسلے میں انتظامات کو حتمی شکل دے دی ہے زائرین کی رہائش کے لئے محکمہ تعلیم کے 3 کالجزز اور 14سکول جبکہ حج کمپلیکس و محکمہ اوقاف کے دفاتر کے کمرے بھی خالی کروالئے گئے ہیں موسم کی شدت کو مدنظر رکھتے ہوئے دربار کے چاروں اطراف میں ٹھنڈے پانی کی سبیلیں بھی لگائی جائیں گی۔انہوں نے کہا ہے کہ عرس کے ایام میں بارش کی صورت میں ایمرجنس کے طور پر زائرین کو دربار کے احاطہ سے متبادل محفوظ جگہ پر منتقل کئے جانے کے انتظامات کئے ہیں۔
