پاکستان سکاٹ لینڈ سکالر شپ ،انٹرویو کیلئے کمیٹی قائم
ملتان(خصوصی رپورٹر)پاکستان سکاٹ لینڈ سکالر شپ کے امیدواروں کے انٹرویو کے لئے کمیٹی قائم کردی گئی۔۔۔
تفصیل کے مطابق زکریا یونیورسٹی کے وائس چانسلر نے پاکستان سکاٹ لینڈ سکالر شپ کے لئے زکریا یونیورسٹی ملتان کے شارٹ لسٹ امیدواروں کے انٹرویو کے لئے کمیٹی تشکیل دے دی جس کے چیئرمین ڈاکٹر محمد زبیر اقبال، وائس چانسلر ہوں گے جبکہ ممبران میں پروفیسر ڈاکٹر جاوید اختر سلیانہ ڈائریکٹر اکیڈمکس ڈیپارٹمنٹ آف پاکستان سٹڈیز،پروفیسر ڈاکٹر اے ایس راشدہ عتیق ڈائریکٹر سٹوڈنٹ افیئرز (فیمیل) ڈیپارٹمنٹ آف پلانٹ پیتھالوجی،پروفیسر ڈاکٹر روحہ حفیظ چیئرپرسن ہراسمنٹ انکوائری کمیٹی شعبہ عربی،ڈاکٹر عنبرین علیم اسسٹنٹ پروفیسر، فیکلٹی آف فارمیسی، شامل ہیں جبکہ پروفیسر ڈاکٹر محمد سہیل ارشد ڈائریکٹر، سکالرشپ/فوکل پرسن ہوں گے ۔ کمیٹی کا اجلاس 2 دسمبر 2024 بروز پیر دوپہر 12:00 بجے کمیٹی روم ایڈمن بلاک میں ہوگا۔
