ملاوٹ مافیا کیخلاف آپریشن،متعدد کو جرمانے

ملتان (لیڈی رپورٹر)پنجاب فوڈ اتھارٹی کی ملتان، وہاڑی اور خانیوال میں صحت دشمن عناصر کیخلاف کارروائیاں، فوڈ اتھارٹی ٹیموں کی ہوٹلز، سویٹس اینڈ بیکرز، کریانہ سٹورز سمیت متعدد فوڈ پوائنٹس کی انسپکشن۔۔۔
حفظان صحت کے اصولوں کی خلاف ورزیوں پر بھاری جرمانے عائد، 15 کلو ایکسپائرڈ کنفیکشنری آئٹمز، 17لٹر ایکسپائری مشروبات، 10کلو ممنوعہ چائنہ نمک تلف۔ تفصیلات کے مطابق ملتان میں بہاولپور روڈ نزد شاہ شمس تبریز انٹرچینج پر ہوٹل کو کھانوں کی تیاری میں ناقابل سراغ اور ممنوعہ اجزاء کی ملاوٹ پر 25 ہزار، 14 نمبر چونگی پر سویٹس اینڈ بیکرز کو بیکری آئٹمز اور مٹھائی کی تیاری میں ممنوعہ اجزاء کا استعمال کرنے پر 25 ہزار، مین ممتاز آباد مارکیٹ اور غوث اعظم روڈ سیوڑہ چوک پر 2 ریسٹورنٹس کو خوراک کی زمین پر سٹوریج، خوراک کو ڈھانپ کر نہ رکھنے پر 30، 30 ہزار روپے کے جرمانے عائد کردیئے گئے ۔ اڈہ وجھیانوالا سبزی منڈی میں 2 کریانہ سٹورز کو ایکسپائری فوڈ آئٹمز فروخت کرنے پر 20ہزار روپے کے جرمانے عائد کئے گئے ۔